#حزبی شیوعی کوردستان# هێرش و پەلاماردانی حزبەکانی ڕۆژهەڵات مەحکوم دەکات.
هێرش و پەلاماردانی سەر بنکەو بارەگاکانی حزبە کوردستانییەکانی ڕۆژهەڵات مەحکوم دەکەین.
سەرلەبەیانی ئەمڕۆ ڕێکەوتی #2022-09-28# لەلایەن دەوڵەتی ئێرانەوە هێرش کرایە سەربنکە و بارەگاکانی حزب و لایەنەسیاسییەکانی ڕۆژهەڵات لەناو خاکی هەرێمی کوردستان. بەوپەڕی نیگەرانیەوە ژمارەیەک لەپێشمەرگەو ژن و منداڵ و خەڵکی سڤیل لە بارەگاکانی زڕگوێز و کۆیە و شیراوەی پردێ ششەهید بوون بەناڕەوا.
داوا لە کۆمەڵگای نێودەوڵەتی دەکەین کە بێتە دەنگ، لەبەرانبەر ئەو هێرشە ناڕەوا و دژە ئینسانیانە. لە هەمان کاتدا پێشێلکردنی سەروەری خاکی هەرێمی کوردستان و عێراقە.
حکومەتی فیدڕاڵی عێراق بە بەرپرسیار دەزانین دەبێت بێتە دەنگ، چونکە دەوڵەتی ئێران بە بەردەوامی هێرش دەکاتە سەرخاکی هەرێمی کوردستان. و پەناهەندە تێکۆشەرەکانی ڕۆژهەڵات لەناو خاکی هەرێمی کوردستاندا شەهید دەکات.
بەناوی حزبی شیوعی کوردستانەوە هاوخەمی خۆمان بۆ هەڤاڵان و هاوڕێیانمان لە حزبە تێکۆشەرەکانی کوردستانی ڕۆژهەڵات ڕادەگەیەنین، بە لەدەستدانی پۆلێک لەشەهیدی تێکۆشەری گەلەکەمان سەری ڕێز و نەوازش بۆ شەهیدە سەر سەربەرزەکان نەوی دەکەین و هیوای زوو چاکبوونەوە بۆ بریندارەکان دەخوازین.
مەکتەبی سیاسی
حزبی شیوعی کوردستان
28-09-2022
[1]
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 1,185 جار هاتیە دیتن
ڕایا خو دەربارەی ڤی بابەی بنڤێسە!