زوننارم بەستەن، زوننارم بەستەن
جەو ساوە پەی تۆ زوننارم بەستەن
شیشەی نام و نەنگ تەقوام شکەستەن
ئەعزام جە بادەی مەیل تۆ مەستەن
ئەزانم سەدای سەودای باڵاتەن
قەدقامەتم زکر خاڵ ئاڵاتەن
تا وە زوڵف و ڕووی تۆ تەماشامەن
ئەدای نمای فەرز سوبح و عیشامەن
سەجادەم وە هوون زامان ڕەنگ کەردەن
سوژدەم وە مێحراب ئەبرۆی تۆ بەردەن
هوونم چ حاکم، چ قازیم چ شێخ
واجب مەزانان بڕێزان وە تێغ
جاڕ بدەن وە ناو کووچە و شاراندا
وە عیبرەتم کەن جە بازاڕاندا
بواچان خانای قوبادی مەستەن
بەدعەهدی کەردەن زوننارش بەستەن
نەزانان خانا وە مەیلت مەستەن
جانفیدای ڕۆژ «يوم الألست»ەن
#خانای قوبادی# [1]