بزنە ڕیشە، حاجیلە درۆزنە، بەیبونە درۆزنە، لوتەوانە، زڕەبێژان
بزنە ڕێشە، گوڵێکی دەگمەنی دەشتی #بیتوێن#-ە، له ناوچەی #سەرسيان# بەرەو #بنگرد# له پێدەشتی #چوارقورنه# بەرەو دەربەند، له بناری #کۆسرەت# دەڕوێ و دەبینرێ، ڕووەکێکی باڵابەرز و لاوازە، قەدێکی ڕوتەڵەی هەیە (بێ گەڵايە)، قەدەکەی توانای هەیە تا (1 مەتر) بەرز بێتەوە، کۆلی گەورە دەکات و فره لاسکە، گوڵێکی تۆپەڵ زەردی بێ پەلک دەگرێت، وەک بەیبونە خڕه وایە، بەڵام تۆپە گوڵەکەیان جیاوازه له شێوە و پێکهاتەدا (تەپلەی بە یبونە خڕه هێلکەيی هەڵکەوتوه، بەڵام بزنه ڕێشە تەپلەکەی پان و شێوه سینیه- پانە، دوای سوری تەواو خۆی خڕدەکاتەوە له شێوەی تۆپ یان کەلا).
سەرەتایی بەهار دەردەکەوێت و چرۆ دەکات، لەمانگی نەورۆز باڵا دەکات و لە مانگی گوڵان (ئايار و نيسان) قۆزاخەی گوڵە بێ پەلکەکانی دەکاتەوە، ناوچەی گەشەی له جیهاندا کەوتۆتە وڵاتانی قەوقازيا، پاکستان، ئێران، تورکيا، سوريا، کوردستان مەڵبەندی گەشەیەتی له باکور و باشوری وڵات، له ڕووی پزیشکيەوە، دەرمانی دژە هەوکردنی لێ دروست دەکرێت و کاریگەری زۆرە، له چارەسەری گژ و گیايی دا گوڵەکەی بە کاردێت وەک چا بۆ ئەو کەسانەی خەویيان نيه (بێ خەون - کەم خەون)، کۆئەندامی هەرس ئاسودە دەکات.[1]