بەهۆی ئەو فشارانەی لەسەر #یەکێتیی نیشتمانیی کوردستان# دروست بووە، #بافڵ تاڵەبانی# سەرۆکی ئەو حیزبە داوای هاوکاری لە ئێران کردووە.
لە سەردانەکەی هەفتەی ڕابردووی بافڵ تاڵەبانی بۆ تاران، باسی ئەو فشارانەی کردووە، کە #مەسرور بارزانی# سەرۆکی حکومەت خستوویەتییە سەر یەکێتی و سنووری #سلێمانی#.
بافڵ تاڵەبانی باسی لەوەش کردووە، کە مەسرور بارزانی بەتەنیا لە ڕێگەی حکومەتەوە فشار لە یەکێتی و سنووری سلێمانی ناکات، بەڵکو ئێستا هاوپەیمانانیشی بۆ ئەو پرسە هێناوەتە سەر خەت و فشارەکانی لەو ڕێگەیەوە زیاتر کردووە.
زانیارییەکان باس لەوەش دەکەن، کە بافڵ تاڵەبانی بە بەرپرسانی ئێرانی ڕاگەیاندووە، چیتر لەوە زیاتر بەرگەی فشارەکان ناگرن و پێویستە تاران کار بکات بۆ کەمکردنەوەی ئەو فشارانە لەسەریان. [1]