بەهۆی توڕەبوونی #مەسعود بارزانی#یەوە #کاکەمین نەجاڕ#، ئەندامی پێشووی مەکتەبی سیاسی و سەرۆکی ئەنجومەنی سەرکردایەتی پارتی لە پارێزگای #هەولێر# لە کۆنگرەی 14ی حزبەکەی دەرنەچوو.
ساڵی ڕابردوو لە مەراسمێکی حزبی لە هەولێر، کاکەمین نەجاڕ ئەندامی مەکتەبی سیاسی پارتی و سەرۆکی ئەنجومەنی پارێزگای هەولێری ئەو حزبە ڕایگەیاند، کە بەشێک لە سەرکردەکانی بەعس لە هەولێرن، ئەم لێدوانەکەی نەجاڕ، مەسعود بارزانی توڕەکرد و بارزانی بڕیاریدا لە کۆنگرەی چواردەی پارتیدا کاکەمین نەجاڕ، دووربخرێتەوە.
هەر بەهۆی ئەو لێدوانەدا، کاکەمین نەجاڕ لەگەڵ 10 کەسەدا نەبوو، کە بە دەنگدانی ڕاستەوخۆ و بە ئاشکرا لەسەر داوای مەسعود بارزانی دەنگیان پێدراوە و هەڵبژێردراون بۆ کۆمیتەی ناوەندیی پارتی، ناچار کاکەمین نەجاڕ خۆی کاندید کرد، بەڵام تەنیا 251 دەنگی کۆنگرەی بەدەستهێناو دەرنەچوو. [1]