دەگێ هۆرامانی
ئەوەنویستەی و دەسکاریکەردەی: ئەسعەد ڕەشید

یاگۍ فرەو دەگایەکاو هۆرامانی،کەوتېنە قەڎپاڵ، دامان، دەربەڼ، پەناو کەشێ، یاگێنە هەکە ئاوی و هاناوېش بیېباو ڕوەو وەرەتاوی و پاسکەردەیش ئاسان بیەبۊ، چواردەورەکەش پەی باخ و باخاتی شېیابۊ.
یانەکۍ، بە دەسورو پلەکانا، پاڵو یۊینەو سەرو یۊیۆ وەشېکریێنۍ، چونکم پا جۊرە سوودێ فرەش بېیەن، چا سووداچە:
-هامکاری هامسایا پەی یۊترینی و فریاکۆتەیشان، ئاسانەن، بە زوویی یاوا سەردەمو یۊترینیۆ.
-دیوارۍ یانەکا، پاڵشادان یۊترینیۆ، ئانەیچ هۊکارەن پەی گەرمی ژوورەکا و مەحکەمیشان پەی بارێ ناهەمواری، یان دزی و یانەبڕیەی.
-جە وەختو هېرشۍ یان پەلاماردای، گرد بە پەلە مەیاوان لاو یۊترینی.
-(پاس) کەردەیشان، ئاسانتەرەن چانەیە گەر یانەکۍ پەرشو وەڵێ بیێنۍ.
فرەو دەگایەکا، مزگیشان چەنەن، چەنی(هانەو_ژەنا)،کە یاگۍ باسکەردەی فرەو هەواڵەکان،ئا دەسەواچۍ تاکو ئیسەیچ مەنېنە کە ماچۊ(ئەجۊ هانەو ژەنان)، کە چاگە باسو گردچېوێ کریۊن.
نما، مزگییەکانە کریۊن، ڕۊوا جمعەی خەڵکو دەگێ هەرمانوکار نمەکەران، بە پەلە ملان پەی نماو جمعەی.[1]