کەشە دەیمیەکۍ و سوودی ئابووریشان
ئەوەنویستەی و دەسکاریکەرڎەی: ئەسعەد ڕەشید

جە هۆرامانەنە، ئا یاگۍ کە دوورە ئاوېنۍ و بە ئاسانی ئاویشان پەنە نمەیاوۊ، کریان بە باخۍ دەیمیۍ، فرەو خەڵکی، باخۍ دەیمیېشا نیێنېرە، کە چن جۊرە دارێنۍ پەنەۋازیشان بە ئاودارای نېیەن، پېسە (دارەۋەنی، دارو بەلوی، دارو وامۍ، دارو هاڵوبراڵوا، دارو بلچۍ،...هتد). کە سوودێ ئابووری فرەشان هەن. یۊ جە دارە دەیمیەکا، دارو ۋەنېن(قەوانی).
دارەۋەن، سەرچەمێن پەی بەرهەمئاوەردەی(وېژەنی). جە کۊتاو فەسڵو وەهارینە(واران بڕان)ی، خاوەن باخ چەنی چن کرېکارێ بە(ترېشتە) چن یاگێنە قەڎو دارەوەنەکەی، زامڎار کەران، ئینجا بە هەڕە(کوچەڵۍ) وەشکەران و لکناشان بنەو بەشە زامڎارەکارە، دارو وەنەکۍ(قەزوانی)، جە یاگە زامڎار کریاکانە، ئاوێ تاڵە مجۊرە دلۍ کۊچەڵەکا، کە پەنەش ماچان(وېژەنە تاڵە).
جە ئاخر و ئوخرو هامنینە، وېژەنە تاڵەو دلۍ کوچەڵەکا گلېرکەراوە، دماتەر گریناش و کەراشەنە فەردە. کەشە دەیمیەکۍ سوودێ تەرشان چەنە وینان، کە ئاڎیچ سەرچەمېنۍ پەی ئاڵف و حەیوانی.[1]