#مەسرور بارزانی# نیگەرانە لە جموجوڵەکانی هەردوو هێزی دژەتیرۆر و کۆماندۆی #یەکێتیی نیشتمانیی کوردستان#، کە دوو هێزی تایبەتی ئەو حیزبەن بەم هۆیەوە مەسرور بارزانی سەرۆکی حکومەتی هەرێمی کوردستان داوای دەسەڵاتی هێزە تایبەتەکانی یەکێتی نیشتمانی کردووەو دەیەوێت فەرمان لە ئەنجوومەنی ئاساییش وەربگرن. بەڵام سەرۆکایەتی یەکێتی نیشتیمانی کوردستان ئەو داوایەی مەسرور بارزانییان ڕەتکردووەتەوە.
مەسرور بارزانی بەهۆی نیگەرانییەکانییەوە لەو دوو هێزە داوای دەسەڵاتەکانی کردوون، بەوەی دەبێت ئەو هێزانە لە ئەنجوومەنی ئاساییش فەرمان وەربگرن، نەک لە شوێنی تر.
مەسرور بارزانی دەیەوێت کارەکانی ئەنجوومەنی ئاساییشی نیشتمانی هەرێمی کوردستان بە تەواوی ڕێکبخاتەوە و لەو ڕێگەیەشەوە تەواوی هێزەکانی سەر بە ئەنجوومەنەکە لە خۆیەوە دەسەڵات وەربگرن، نەک لایەنی تر. [1]