#بېسارانی#
خونچەگوڵ جە گڵ، خونچەگوڵ جە گڵ
زېیاوە جە پەی نەو-وەهار جە گڵ
جە دلۍ چەمەنان وەندەوە بوڵبوڵ
ئاخ پەی هامدەردێ چۇن من داخ نە دڵ
بە دیدەی زۊخین، بە دڵەی پڕ داخ
بشیامۍ وە سەیر گوڵخونچانی باخ
ناڵەمان کەردا چەنی بوڵبوڵان
ئېمە پەی یاران، ئەوان پەی گوڵان
تا وادەی فەسڵ نەو-وەهار شېیا
دەنگی ناڵەمان نە چەمەن بېیا
مڎیۊ کەس نېیەن، غەیر جە من فېشتەر
هەردەم دەردی یار، لێم مدۊ نېشتەر
هەر من دەردینم، منیچ سا جارێ
مڎیەو جە ناکا جە وەر مەغارێ
بەی گشت دەردەوە، بەی دیدەی نمناک
گیانم تەسلیم بی، خەڵتان بیم نە خاک
[1]