ناڤ: محەمەد
ناسناڤ: ئەمین ئۆزمانی
ناڤێ باب: ئەمین ئەحمەد حسێن
سالا ژ دایکبوون: 1937
جیێ ژ دایکبوون: گوندێ #ئۆزمانا#
سالا شەهیدبوون: 1999
$دیرۆکا ژیان$
شەهیدێ فەرماندە محەمەد ئەمین ئەحمەد حسێن، یێ بەرنیاس ب ئەمین ئوزمانی، لسالا 1937 ل گوندێ ئۆزمانا ژ دایکبویە و ھاتیە سەر دنیایێ ، پشتی نسکویا سالا 1975 ئاوارەی وەلاتێ ئیرانێ دبیت، ل سالا 1988 ل ھەوا ئەنفالێت ڕەش و تاری وەکو ب ھزاران پێشمەرگە و خەلکێت دەڤەرێ ئاوارەی وەلاتێ تورکیا بویە و ل کەمپا مێردینێ ئاکنجی دبیت، ل سالا 1999 ژ لایێ حکومەتا بەعس و بدەستێ سیخورو کرێ گرتیێن خوە شەھیدێ فەرماندە دھێتە تیرۆرکرن
$خەباتنامە$
ل سالا 1959 دگەل (مەلا عەلی بەروشکی ) پەیوەندی ب ڕێکخستنێت پارتی دیموکراتی کوردستان کریە، و ل سالا 1961 پلا سەرقولێ پێشمەرگە وەردگریت دگەل عیسی سوار، ل سالا 1963 ی ل شەرەکێ دگەل دوژمنان ل گەلیێ سپی ب گرانی بریندار دبیت، ژبەر ڕۆلێ وی ل سالا 1971 پلا وی یا لەشکەری دھێتە بلند کرن و دبیتە ئامر سری ل بەتەلیۆنا غازیێ حەجی مەلوی یاب سەر بێھزاد شێخ عەبدڵا بارزانیڤە، ساڵا 1976 ێ جارەکادی دزڤریتە کوردستانێ ل گوندێ خو ئاکنجی دبیت و ل سەر خەباتا خویا ڕێکخستنا پارتی و یا لەشکەری بەردەوام دبیت ، ل سالا 1979 چەندین ئەگەرێن سیاسی و ئابوری و کوردینیێ نەچار دبیت دچیتە باژێرێ دھوکێ ل وێرێ ئاکنجی دبیت و ل ناڤ جەرگێ دوژمنی دەست ژ خەباتا ڕێکخستنا نەھینی یا پارتی دیموکراتی کوردستان ل ناڤ باژێری بەرنادەت و پتر کارکریە دا خەلکێ لسەر کریارو دەستەوانێن دوژمنداریا پیس ھشیار بکەت و پتر ڕەوشا شۆرش و ڕێکخستنا پارتی بۆ جەماوەری دیارو شلوڤەکرینە و ژبەر ڤان ئەگەران و بزاڤا وی یا بەردەوام ژلایێ ڕەشەکو کرێگرتیێن دوژمنی ڤە دکەفیتە سەر و گەلەک جاران ل ئەمنا دھوکێ دھێتە گرتن و حەتا گەھشتیە وی ڕادەی کو خێزانا شەھید ئەمینی دھێتە دەستەسەرکرن، ل سالا 1984 ل باژێرێ دھوکێ دەردکەڤیت و دچیتە دەڤەرێت ئازاد کری و دگەھیتە ناڤ ڕێزێن شورەشا گولانا پێشکەفتن خواز و جارەکادی دبیتە پێشمەرگە ل لێژنا ناوچا دەڤەرا دھوک یاب سەر لقا ئێک ڤە یا پارتی، ل سەر خەباتا خۆیا پێشمەرگایەتی و کوردینیێ بەردەوام دبیت و ژبەر ڕولێ ویێ کاریگەر ل سالا 1987 پلا وی دھێتە بلندکرن دبیتە بەرپرسێ ڕێکخراوا لەشکەری یا دەڤەرا دھوک، ژبەر ڕۆلێ سەنگا وی د دەڤەرێدا ل سالا 1988 ئەمنا دھوکێ ب بریارا تیرۆرکرنا شەھید ئەمین ئۆزمانی دایە کار لسەر کریە لێ بزاڤ و پلانێن وان سەرنەگرتینە و ژناڤ چوینە.
ل کۆنگرەیێ 10یێ پارتی دیموکراتی کوردستان ل ناڤ لێژنا شیرەتکاری سەرپەرشتکارێ ڕێڤەبرنا کەمپا مێردینێ دھێتە ھەلبژارتن و پشتی سەرھلدانا پیروز یا سالا 1991 ڤەدگەریتەڤە کوردستانێ و خەباتا خۆیا لەشکەری بەردەوام دبیت و ل سالا 1992 دبیتە ئامر ھێز ل ھێزا کاردوخ سەر ب دەڤەرا دھوکێ ڤە ل سالا 1993 مەندوبێ گونگرەیێ 11 یێ پارتی دیموکراتی کوردستان و ل سالا 1995 بویە ئەندامێ پشکا لەشکەری ل لێژنا ناوچا دھوک و ل سالا 1996 بویە بەرپرسێ کەرتێ ئوزمانا ژ بۆ دەمەکێ دیارکری و ل سالا 1997 ڤەدگەریتەڤە بارەگایێ دەڤەرا دھوکێ و لسەر خەباتا خو بەردەوام دبیت.
ل سالا 1999 ژ لایێ حکومەتا بەعس و بدەستێ سیخورو کرێ گرتیێن خوە شەھیدێ فەرماندە دھێتە تیرۆرکرن
شەھیدێ ناڤبری ل پتریا شەرو جەنگ و ھێرشێت دوژمنی ڕولەکێ مەزن و بەرچاڤ ھەبوویە ل پتریا وان شەرو داستانانێن مەزن ھاتینە تۆمارکرن بەژداربویە دگەل ب مەزنترین پلەیا شەھیدی ب پلەیا سەرقۆل بویە. [1]