ناڤێ بابەت: دناڤبەرا غەزالی و ئبن ڕوشدی
ناڤێ وەرگێڕ: #محەمەد بانکی#
ئەڤان ڕۆژێت بوری ئەز مژویلی پێداچوونا ڕاڤەکرنا غەزالی بۆم دەربارەی ڕێبازا فەیەلسوفێن مەشائی و ئەو ڕەخنەیێن وی ئاراستەی هندەک پرس و مەبەستێت فەیلەسوفان و هەڤدژیێت وان کری بناڤێ (التهافت). کارڤەدانا ئیبن ڕوشدی لسەر ڤێ چەندێ بناڤێ(تهافت التهافت) و( فصل المقال) بوو، پشتی خواندن و پێداچوونێ ئەز گەهشتم ئەڤان ئەنجامان:
1- ئیبن ڕوشد نەشیایە ئەوان پرس گرێکان چارەسەر بکەت یێت غەزالی دەستنیشانکرین، هەروەسا نەشیایە بەرسڤا ئەوان تێبینیان بدەت یێت غەزالی لسەر فەیلەسوفان هەین.
2- غەزالی پتر یێ ڕاستگۆبوو دگەل فەیلەسوفان ژ ئیبن ڕوشدی دگەل کەلامناسان، غەزالی هەقی و نە هەقی ژێکجوداکرینە دفەلسەفێدا، بەلێ ئبن ڕوشد تنێ بەرگریکارەک بوویە ژ مەشائیان و کیندار و توند بوویە لسەر کەلامناسان ب هەق و نەهەق.
3- ب بۆچوونا من ئەگەرێ پویتە پێنەدانا کەلامناسان ب پەرتووکێن ئیبن ڕوشدی ڤەدگەریتە لاوازیا کەرستێ وان یێ زانستی، دگەل هندێ دێ بینی کەلامناسان ئاخفتنێن ئیبن فارابی و ئیبن سینای و بەهمەنیاری و توسی و غەیری وان دپەرتووکێن خویێن کلامناسی دا یێت ڤەدگوهێزن.
4- ئەوا بومن دیاربووی ژ ئەڤێ پێداچوونێ، غەزالیێ کەلامناس گەلەک شارەزاترە د فەلسەفا مەشائیدا ژ ئیبن ڕوشدێ فەیلەسوف، تێگەهشتنا وی بەرفرەهتر و قوولترە، ب بنەجهتر ڕێبازا مەشائی دەستنیشان کریە ژ ئیبن ڕوشدی. [1]