شوێن سمی خەرە و چنگی مەیاسێ
من لەم کەتنە، سا سەرم ئەماسێ

جە شارو سلېمانی، ژەنێ بۊ نامېش (خانم خاسە) بۊن، وەیۋێ نۆسنەش بۊ بە نامۍ (مەیاس) ۍ، هەسروە فرە ڕەزیلەو سواڵکەرەنە، بەڵام، وەیۋەکېش فرە نۆسنە.
ڕوێشا هامساکېشا نانو تەنوورۍ کەرۊن، میاسۍ ملۊ لەواشێ گەرمە مارۊن، خیگەو ڕوەنە وېمانەکەی بە دیوارو هەیوانەکېوە هۊرواسیان، هەیوانەکېچ تازە هەسروېش ناوێنە، گەر بلوو ڕوەن بەربارۊ، ئانە یاگە پێکېش بەرمشاو دمایی هەسروەش پەنەش زانۊ، ئاڎییچە چا وەختەنە ویرێ عالش پەی مێ، سووکێ وەرېسەو هەرەکەیشا کەرۊوەو سوارەش بۊ، بە سواری هەرەکەی ملۊنە پاڵو خیگەکەی، چنگێ ڕوەن بەرمارۊو گېڵۊوە، هەرەی وەرمڎۊ و ڕوەنەکەی کەرۊ سەرو لەواشە گەرمەکۍ و وەرۊش، وەختێ هەسروەش مێوە، تەماشەو خیگەکەی کەرۊ، مڎیۊ چنگێ ڕوەنش چەنە بەرئامان، چنگەکۍ هینۍ ژەنېنۍ، بەڵام یاگە سمەکۍ هینۍ هەری، ئاڎییچە ماچۊ:
شوێن سمی خەرە و چنگی مەیاسێ
من لەم کەتنە، سا سەرم ئەماسێ.[1]