#بېسارانی#
سۊسەن گوڵێ دیم، بۊش چۇن عەنبەر بۍ
دەهەن شکەستەی، بادی سەحەر بۍ
یەقین خۊ نەوخېز خونچەی ساوا بۍ
جە وەش بۊش ماوای خوتەن ئاوا بۍ
بەڵۍ سوب سەحەر پېکابۍ لافێ
زوڵف لۇلی لەولاو، موشکین کڵافێ
واتش منیچ بۊم، وېنەی بۊی زوڵفەن
وەلۍ ئەو چین چین سەرتاپا کوڵفەن
نمەز بای شەماڵ، جە ڕۇی زوڵف دەستە
چەنەش مژنەوۊ چەند لاف بەی جەستە
بېحیساب قارێ نە دڵ مبەرۊ
بېجا دەهانش شکەست مدەرۊ
جە پېکای ئەو لاف بېمەوزۇنەوە
هېمای دەهانش ها بەو خۇنەوە
[1]