#یەکێتیی نیشتمانیی کوردستان# سووربوونی خۆی دووپاتکردووەتەوە، بەوەی ئامادە نییە گازی سرووشتی کۆرمۆر ڕادەستی #پارتی دیموکراتی کوردستان# بکات.
بەهۆی ئەو کێشانەی لەنێوان تیمی پارتی بە سەرۆکایەتی #مەسرور بارزانی# و تیمی یەکێتی بە سەرۆکایەتی #قوباد تاڵەبانی# هەیە، یەکێتی سووربوونی خۆی لە ڕادەستنەکردنی گازی سرووشتی کۆرمۆر بە پارتی کردووەتەوە.
ئەم سووربوونەی یەکێتی دوای ئەوە بووە، چەند شاندێکی حکومەتی هەرێم چوونەتە #بەغدا# و دوای گەڕانەوە پەیامیان بۆ بەرپرسانی یەکێتی ناردووە لەسەر بابەتی نەوت و گازی سرووشتی گفتوگۆ بکەن.
بڕیارە بەم نزیکانە لەسەر ڕاسپاردەی مەسرور بارزانی شاندێکی پارتی لەگەڵ شاندێکی یەکێتی کۆبوونەوە بکەن، بەتایبەتی ئەگەر گرژییەکانی ئەم دواییەی نێوان هەردوولا بەرەو کەمبوونەوە بچێت. [1]