#مەسرور بارزانی# سەرۆکی حکومەتی هەرێمی کوردستان، بۆ چارەسەرکردنی کێشەکان، ژنێک دەنێرێتە لای #قوباد تاڵەبانی# جێگری.
مەسرور بارزانی خەزالە هوستانی وەک نوێنەری خۆی دەنێرێتە لای قوباد تاڵەبانی، ئەوەش دوای ئەوەی سەردانی ئیمارات و فەرەنسای کردووە و لە بارەی دۆسییەی نەوت و گاز گفتوگۆی لەگەڵ بەرپرسانی ئەو وڵاتانە کردووە.
مەسرور بارزانی دەیەوێت بەم ڕێگەیە کێشەکانی لەگەڵ #یەکێتیی نیشتمانیی کوردستان# چارەسەر بکات و تیمی ئەو حیزبە لە حکومەت بگەڕێنێتەوە کۆبوونەوەکانی ئەنجوومەنی وەزیران.
مەسرور بارزانی لە ڕێگەی ئەو ژنەوە دەیەوێت ڕای کۆتایی یەکێتی لەسەر ڕێککەوتنی #هەولێر# و #بەغدا# لەسەر دۆسییەی نەوت و گاز بە تەواوی بزانێت، ئەمە جگە لە زانینی ڕای ئەو حیزبە لەسەر گفتوگۆکانی مەسرور بارزانی لەگەڵ بەرپرسانی ئیمارات و فەرەنسا.
زانیارییەکان باس لەوەش دەکەن، هەر لە ڕێگەی ئەو ژنەوە داوای گەڕانەوەی یەکیتی دەکات بۆ کۆبوونەوەکانی ئەنجوومەنی وەزیران، کە دوای ئەو سەردانە خەزال هوستانی لەگەڵ شاندەکەی هەرێم ڕوو دەکاتەوە بەغدا و گفتوگۆ لە بارەی ڕێککەوتنی هەولێر و بەغدا دەکاتەوە، بۆ ئەوەی ڕێککەوتنی کۆتایی بکرێت. [1]