#یەکێتیی نیشتمانیی کوردستان# ئامادەکاری کردووە و بەنیازە دەست بەسەر ئۆتۆمبیلەکانی #لاهور شێخ جەنگی# هاوسەرۆکی پێشووی حیزبەکەدا بگرێت.
یەکێتی نیشتمانی ئامادەکاری تەواوی کردووە، بۆ ئەوەی لە دەرفەتێک دەست بەسەر ئەو ئۆتۆمبیلانە بگرێت، کە لەلایەن لاهور شێخ جەنگی بەکاردەهێنرێن.
پێشتر چەند جارێک ئاگاداری بۆ لاهور شێخ جەنگی نێردراوە بۆ ئەوەی ئەو ئۆتۆمبیل و موڵک و ماڵەی پێشتر لە ئیدارەی گشتی وەرگرتووە بیگەڕێنێتەوە، بەڵام هیچ وەڵامێکی نەبووە، بۆیە ئێستا دەیانەوێت بە دەستبەسەرداگرتن ئۆتۆمبیلەکانی لێبسەننەوە.
تەنیا ئۆتۆمبیل نییە، کە یەکێتی دەیەوێت لە لاهور شێخ جەنگی و کەسە نزیکەکانی وەریبگرێتەوە و بەنیازە چەند موڵک و ماڵێکی تریش، کە هی ئیداری گشتییە بەم نزیکانە لە ناوبراو و کەسە نزیکەکانی وەربگرێتەوە. [1]