توێژینەوەیەکی نوێ و گەورە دەریدەخات کە وەرزشکردنی بەردەوام دوای تەمەنی 40 ساڵی وا دەکات خەڵک کەمتر بکەونە نەخۆشخانە بۆ 9 لە کۆی 25 حاڵەتی تەندروستیی باو، ئەم پارێزگارییەش بۆماوەی 7 ساڵ بەردەوام دەبێت.
لیستی ئەو 9 نەخۆشییەی کە پێویستیان بە خەواندن لە نەخۆشخانە هەیە بریتی بوون لە: نەخۆشییەکانی میزەڕۆ، خوێن مەین، جەڵتەی مێشک، لێکەوتەکانی نەخۆشیی شەکرە، هەوکردنی سییەکان، کەمخوێنی کەمی ئاسن، وەرەمی قۆڵۆن، و دیڤێرتیکولۆزی (کە تێیدا “کیسە”ی بچووک لە دیواری قۆڵۆندا دروست دەبێت ).
توێژینەوەکە لە پەیمانگای نیشتمانی شێرپەنجەی ئەمریکا لە ویلایەتی میریلاند ئەنجامدراوە، ئەنجامەکانیش لە گۆڤاری پزیشکیی JAMA بڵاوکراونەتەوە، و دەرکەوتووە کە 20 خولەک وەرزشکردنی ڕۆژانە، مەترسی خەواندن لە نەخۆشخانە بەڕێژەی نزیکەی 23% لە ماوەی7 ساڵدا کەمدەکاتەوە.
لەوبارەیەوە ئیلینۆر واتس، توێژەری سەرەکیی دەڵێت: چالاکییە جەستەییەکان کارکردنی بەرگری جەستە و تەندرووستیی سییەکان و دڵ و هەستیاری ئەنسۆلین باشتر دەکات، هەروەک هەوکردن و چەوریی جەستە و بەرزبوونەوەی پەستانی خوێن و کۆلیسترۆڵ کەمدەکاتەوە. [1]
ئەڤ بابەت ب زمانا (کوردیی ناوەڕاست - Central Kurdish) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 396 جار هاتیە دیتن
ڕایا خو دەربارەی ڤی بابەی بنڤێسە!