=KTML_Bold=بەرپرسانى تورکیا بە بەرپرسانی ئێراقییان ڕاگەیاندووە ”سلێمانى هێڵی سوورى بەزاندووە”
سوودانى داواکارى وەزیرێکى یەکێتیى ڕەتدەکاتەوە=KTML_End=

لە وەڵامى داواکارییەکى یەکێتى سەرۆکوەزیرانى ئێراق ڕایگەیاندووە، ناتوانن لەبەرانبەر هەنگاوەکانى تورکیا کە بریتییە لە ڕاگرتنى گەشتە ئاسمانییەکانى تورکیا بۆ #سلێمانى#، هیچ کارێک بکەن.
لە دواى ئەوەى تورکیا بە فەڕمى ڕایگەیاند، کە بەهۆى چالاکییەکانى پەکەکە لە فڕۆکەخانەى سلێمانى گەشتەکانیان ڕادەگرن و ڕێگەش نادەن ئاسمانى تورکیا بۆ ئەو شارە بەکاربێت خالید شوانى، وەزیرى دادى ئێراق بە نوێنەرایەتى یەکێتیى لەگەڵ محەمەد شەیاع سوودانى کۆبۆتەوە و داواى لێکردووە لەگەڵ تورکیا بچێتە سەر هێڵ و ئەو کێشە چارەسەر بکات.
سەرۆکوەزیرانى ئێراق لە وەڵامى داواکارییەکەى یەکێتیى ئاماژەى بەوەکردووە، بەرپرسانى تورکیا پێیانراگەیاندووە ئەو حزبە هێڵی سوورى تورکیا بەزاندووە بۆیە ناتوانن هیچ کارێک بکەن. [1]