=KTML_Bold=یەکێتیى، داواى گەرەنتى پشکى سلێمانى، لە بودجەى ئێراق دەکات=KTML_End=
=KTML_Bold=قوباد تاڵەبانى، بۆ سوودانی: ئەگەر پشکى هەرێم لە بودجە بچێتەوە هەولێر غەدرمان لێدەکرێت=KTML_End=
#قوباد تاڵەبانى#، بە شێوەیەکی فەرمیداواى لە بەرپرسانى ئێراق و ئەمەریکا کردووە گەرەنتى پشکى #سلێمانى# لە بودجەى 2023ى ئێراق بکرێت و نەگەڕێندرێتەوە بۆ #هەولێر#.
لە ماوەى دوو ڕۆژى ڕابردوودا، قوباد تاڵەبانى، جێگرى سەرۆکى حکوومەتى هەرێمى کوردستان دواى کۆبوونەوەى لەگەڵ باڵوێزى ئەمەریکا لە ئێراق و محەمەد شەیاع سوودانى، سەرۆکوەزیرانى ئێراق بە فەرمی داواى گەرەنتى پشکى پارێزگاى سلێمانى و #هەڵەبجە#ى لە بودجەى 2023ى ئێراق کردووە.
قوباد تاڵەبانى داواى کردووە، دواى پەسەندکردنى بودجە پشکى سلێمانى و هەڵەبجە ڕاستەوخۆ جیابکرێتەوە و بخرێتە سەر حسابێکى تایبەت و نەگەڕێتەوە بۆ هەولێر و حکوومەتى هەرێم.
قوباد تاڵەبانى لە کۆبوونەوەکانى دوو ڕۆژى ڕابردووى لە #بەغدا# بە ڕوونى باسی لەوەکردووە، ئەگەر پشکى سلێمانى و هەڵەبجە بچێتەوە هەولێر ئەوا سەرۆکى حکوومەتى هەرێمى کوردستان غەدریان لێدەکات. [1]