ناڤ: وریا
ناسناڤ: غەفووری
جهێ ژدایک بوونێ: #سنە#
ڕوژا ژدایک بوونێ:#20-10-1987#
$ژیاننامە$
وریا غەفووری ژدایک بوویێ 20-10-1987 ل باژێڕێ سنە یا ڕوژهەڵاتێ کوردستانێ یە، یاریزانی کورد یێ ھەڵبژاردەیا تەپا پێ یا وڵاتێ ئیرانێ و یانەیا تەپا پێ یا ئیستقلالا تەهران یا پایتەختێ ئێرانێ بوو.
لدیف چاڤپێکەتنا وریا ژبو کەنالێن ناڤخویی یێن ئیرانی وەسا ئیماژە پێدایە، کوو ئەو ب بنەجهی خەلکێ نگڵی بەشا کەڵاتەرزانی یا باژێڕێ سنەیە.
وریا غەفووری یاریا پرۆفێشناڵا خۆە ب یاری کرنێ ل یانەیا پاس یا ھەمەدانی ل ساڵا 2007ئان دە دەست پێکرییە و هەیا ساڵا 2010ێ، 81 یاری ژبو ڤێ یانەیێ ئەنجام دان، 5 گۆڵ ژی تومار کرن، کو ئەڤ ئامارێ گۆڵ کرنێ ل هەمبەری پۆستێ وی کوو بەرگریکارە زورێ باشە.
پشتی یاری کرنا وی ل یانەیا پاس یا ھەمەدانی، ل ساڵا2010ێ ژبو ماوێ 2 ساڵان دێ چیتە تەڤرێز دبیتە یاریزانێ یانەیا شەهرەدارییا ڤی باژێڕەی و هەیا ساڵا 2012ێ 50 یاریان ژبو ڤێ یانەیێ ئەنجام ددەت و3 گوڵان دێ تومار بکەتن. ب ھاتنا وەرزەکێ دن یێ نویا خولا نایابێن تەپا پێیا ئێرانی ل ساڵا 2012 دێچیتە ناڤا ڕیزا یانەیا نەفت یا تەهرانی و سەردەمێ زێڕینێ وی بڤی ئالیەی دەست پێدکەت و هەیا کوتاییا وەرزا 2014ێ ل ڤێ یانەیێ 49 یارییان ئەنجام ددەت و 2 گۆڵان ژی ژبو یانا خوە تۆمار دکەتن.
ددەمێ یاری کرنێ ل یانەیا نەفت یا تەهرانی، ژئالێ کارلۆس کەیرۆشی ڕاھێنەرێ پورتوگالی یێ ھەڵبژاردەیا تەپا پێ یا ئێرانێ ژبو یاری کرنێ ل ھەڵبژاردەیا نەتەوەیا ئێرانێ دێ هێتە بانگھێشت کرن.
ل جامێ نەتەوەیێن ئاسیا، وریا غەفووری د ھەموو یاریاندە پشکدار بوویە. و پێشتر ل یانەیا ئیستقلالا تەهرانی یاری دکر و کاپتنێ ڤێ یانەیێ بوو لێ ب ئەگەرێن سیاسی و نەتەوی ژڤێ یانەیێ هاتە دویر خستن.
وریا غەفووری ل #24-11-2022# ب فەرمانا دادگەها ئیرانی ب تومەتا پشتگیری و کارڤەدانێن توند و ئیستفزازی ل هەمبەر ناڕەزایەتی دەڕبڕینا سەرتانسەریا ئیرانی کو ب #شوڕەشا ژینا# ناڤبانگێ خوە دەرکربوو و پڕوپاگەندە دژی سیستەما کۆمارا ئیسلامیا ئێرانێ ، هاتە دەستەسەر کرن ولێ پشتی هەیامەک ب گوشارێن خەلکێ ب گشتی و کوردێن ڕوژهەڵات ب تایبەتی هاتە ئازاد کرن.[1]