چېش کېیانی، هەر ئانەت پەی مەیوە.
گەر نېیازو فېڵ کەردەی و غەش کەردەیت هەن، ئانە بزانە هەر ئەچی دنیانە باجەکەیش مڎەی.
پیێوە کزۆڵ، ژەنەکېش دۊ ژەنۍ و جە دۊکەی، کەرۍ گېرۍ،
ژەنەکېچش کەرەکۍ کیلۊ کیلۊ جېیاکەرېوە و ئېڎیچ بەرېش پەی شاری و دېش بە دووکاندارێ، بە زەڕەکەیش کەل و پەل و واردەمەنی سانۍ.
ڕوێوە کابرای دووکاندار کەوت شکەوە جە کەرەکۍ و کېشاش، هەکە تەماشەش کەرد، دیش هەر کیلوێ جیاتی هەزار گراما، نۊسەڎ گرامېنە و سەڎ گرامېش ناتەماما.
کابرای دووکاندار قوشقی بی، بە کابرای کزۊڵیش وات: چێو دمای کەرېم پەی ناری،
تۊ کەرېت بە نامۍ کیلوێ دێنە بە من، کەچی نۊسەڎ گرامېنە!
کابرای کزۊڵ سەرەش وستەرە و واتش: لالۊ گېیان،
ڕاسیت گەرەکا، ئېمە ترازیېما نېیەنۍ،
بەینێ چێوەڵ کیلوێ قەڼما لاو وېتۆ بەرد و ئانەما کەردەن بە سەنگە.[1]