پیاو کۆزەری هەرزنی خۆی بخوات لە گەنمی قەندەهاری خەڵکی باشتره
وتراویشە: گۆشتی گونی خۆت بخۆی لە منەتی قەسابی باشتره، هەرزن: بەرووبومێکی ڕووەکییە بۆ ئالیکی مەڕوماڵات بەکاردەهێنرێت و بۆ خۆراکی مرۆڤ ناشێت، کۆزەر: ئەو پاشماوەیەیە لەپاش لە بێژینگدان دەمێنێتەوە، قەندەهاری جۆرە گەنمێکە نانی جوان لێ دێت، ئەوە کراوە بە ئیدیۆم و گوزارشت کراوە کە مرۆڤ شتی خراپی خۆی لە شتی زۆر باشی خەڵکی باشتر و بێ منەتترە، بۆیە وتراوە: پیاو کۆزەری هەرزنی خۆی بخوات لە گەنمی قەندەهاری خەڵکی باشترە.[1]