ئارام بژیوە
هيچێ چی دنیاو خوڎاینە پېسەو ئاوۍ شل و نەرمە نېیەنە، کەچی پەی تاونایەو چېوە ڕەقەکا هام لفێوەش نېیەن!
نەرمی زۊرش مەڕیۊ سەرو سەخڵەتیرەو نەرم و نېیانی سەرو ئاڵۊزیرە، گرڎ کەس ئینەی مزانۊ، وەلێم کەمتەر کەسێ بەرۊش ڕاوە.
بەشەر، بە شل و نەرمی پېڎابۊ و بە ۋشک و ڕەقی مرۊ.
گیواوڵۍ عانێ خاکەنە مزیا شل و نەرمېنۍ، وەلێم سەرە مەرگەنە تەق و ڕەق و قالۊرېنۍ.
جا هەر کەسېو وشک و وۍ بەزل زانا، واڎەو مەردەیش نزیکا و هەر کەسېو نەرم و نیانا کەیلوو وەشەسیای و ژیواین.
وەختارۍ چانەن هیچ وەختێ چەنی تەبیعەتی و هام بەشەرات مەگژیەو ئېش و ڕېشی بە سەر و زوانی شیرین قەرەبوو کەرەوە.
هەر پېسە واتەنیچشا: هېمنی و ئارامی جە هەرمان کەردەینە، پېسەنە پېڵا پەی چەما.
با ژیومێ.[1]