ناونیشان: ئەو پیشەسازیەی ئەمریکای کردە هەناردەکاری نەوت ڕووی لە داڕمانە
نووسەر:#مەحموود بابان#
ڕۆژی دەرچوون: #22-04-2020#
مانگی نیسانی ئەمساڵ، خراپترین مانگ دەبێ لە مێژووی پیشەسازی نەوت و بازاڕەکانی نەوتدا بۆ یەکەم جارە بیرم لەوە کردووەتەوە بەرهەمهێنانی نەوتی خاو لە زۆربەی کێڵگەکان بۆ هەمیشە دابخەم، ئەمە قسەی خاوەنی یەکێک لە کۆمپانیاکانی نەوتی بەردینی تێکساسە.
مایک شیڵمان خاوەنی کۆمپانیای نەوتیی (MCA) لە تێکساس دەڵێت چوار دەیەیە کۆمپانیاکەمان لە پیشەسازی نەوت کاردەکات، لە بارودۆخی هەڵکشان و داکشانی نرخی نەوت بەردەوام بووین لە هەڵکۆڵینی بیری نوێ و فرۆشتنی نەوتی خاو بە پاڵاوگەکان، بەڵام بەهۆی پڕبوونی ئەمبارەکانی نەوت و دابەزینی نرخی نەوتەوە ئەمساڵ بڕیاریداوە هیچ بیرێکی نوێ هەڵنەکۆڵێت و هەندێک خزمەتگوزاریی بیرە نەوتییەکان دوابخات.
کێڵگە نەوتییەکانی تێکساس، مەکسیکۆ، ئۆکلاهۆما و نۆرس داکۆتا بە قۆناخی ڕاگرتنی هەڵکۆڵینی بیرە نەوتییەکان تێدەپەڕن، ئەمەش دەبێتە هۆی ئەوەی دەیان هەزار کرێکاری کۆمپانیاکانی نەوت بژێوی ژیانیان لەدەستبدەن.
بەهۆی بڵاوبوونەوەی ڤایرۆسی کۆرۆنا، خواستی جیهانیی نەوت بە ڕێژەی 30% یاخود ڕۆژانەی 30 ملیۆن بەرمیل دابەزیوە، ئەمەش مەترسی لەسەر فرۆشتنی بەرهەمەکانی هەندێک لە کۆمپانیاکانی نەوت درووستکردووە.
بەڕێوەبەری گشتی کۆمپانیای گریزلید ئۆیڵ لە تێکساس دەڵێئەوەی من لێیدەترسم ئەوەیە نەتوانین بەرهەمەکانمان بفرۆشێن، ئەوەش دوای ئەوەی هەندێک لەپاڵاوگەکان و کڕیارانی دیکەی نەوت پێیان ڕاگەیاندووە لەوانەیە لەم مانگەوە گرێبەستی کڕینی نەوتی خاو ڕەتبکەنەوە یاخود بەبەهای خوار تێچووی بەرهەمهێنان بیکڕن.
هەردوولایەنی پیشەسازی نەوت (واتە بەرهەمهێنەر و بەکاربەر) هەوڵێکیان دەستپێکردووە بۆ گەڕاندنەوەی هاوسەنگیی نرخەکانی نەوت. وڵاتانی بەرهەمهێن و وڵاتانی بەکاربەر بۆ کەمکردنەوەی ڕۆژانەی نەوت بە بڕی 19.5 ملیۆن بەرمیل، بەڵام ئەوەی لەم هەفتە ڕوویدا بەردەوامی دابەزینی نرخی نەوت بوو.
بە گوتەی فاتیح بیرۆڵ، سەرۆکی ئاژانسی نێودەوڵەتی وزە مانگی نیسانی ئەمساڵ، خراپترین مانگ دەبێ لە مێژووی پیشەسازی و بازاڕەکانی نەوتدا
فاتیح بیرۆڵ، سەرۆکی ئاژانسی نێودەوڵەتی وزە: مانگی نیسانی ئەمساڵ، خراپترین مانگ دەبێ لە مێژووی پیشەسازی و بازاڕەکانی نەوتدافاتیح بیرۆڵ، سەرۆکی ئاژانسی نێودەوڵەتی وزە: مانگی نیسانی ئەمساڵ، خراپترین مانگ دەبێ لە مێژووی پیشەسازی و بازاڕەکانی نەوتدا
ئەم هەفتەیەش نرخی نەوت زۆر لە خوار تێچووی بەرهەمهێنانی نەوتی بەردینی ئەمریکاوە مامەڵەی پێوەکرا. ئەو گۆڕانەی لە دەیەی ڕابردوو بەهۆی نەوتی بەردینەوە لە پیشەسازی وزەی ئەمریکا ڕوویدا، ئەمریکای لەسەر ئاستی جیهان لە هاوردەکاری نەوتەوە گۆڕی بۆ هەناردەکاری نەوت، بەڵام لەوانەیە ئەم ڕەوتە کۆتایی هاتبێت.
بەپێی پێشبینییەکانی کۆمپانیایەکی ڕاویژکاری نەوت، بە دریژایی ئەمساڵ تەنیا لە ئەمریکا نزیکەی 240 هەزار هەلی کاری پەیوەست بە پیشەسازی نەوتەوە لەدەستدەچن.
ڕۆژی 6ی ئادار ڕۆژی مەرگی گەشەی پیشەسازیی نەوتی بەردینی ئەمریکا بوو، دوای ئەوەی سعودیە و ڕووسیا نەگەیشتنە ڕێککەوتن بۆ درێژکردنەوەی ڕێککەوتنی کەمکردنەوەی بەرهەمهێنانی نەوت. ڕاستییەکەی، شەڕی نرخی سعودیە و ڕووسیا سنوورێکی بۆ نرخی بەردینی ئەمریکا دانا.
بەپێی پێشبینییەکان، لە داهاتوودا نرخی نەوتی ئەمریکا 20 دۆلار دەبێ بۆ هەر میلێک، ئەمەش یەک لەسەر سێ نرخی کانوونی دووەمی ئەم ساڵە و کەمترە لە نیوەی تێچووی بەرهەمهێنانی یەک بەرمیل نەوت.
کەمبوونەوەی نرخی نەوت لە مانگی ئادار، دەیان کۆمپانیای نەوتی بەردینی ناچارکرد خەرجییەکانیان بە ڕێژەیەکی زۆر کەمبکەنەوە.
جویل ڕۆدریگز، بەڕێوەبەری گشتی کۆمپانیای لا سالێ (دووەم گەورەترین کێڵگەی بەرهەمهێنانی نەوتی تێکساس) دەڵێت هەر کە هەواڵی ڤایرۆسی کۆرۆنا بڵاوبووەوە و نرخی نەوت دابەزی، هەموو کارمەندەکانم ناردنەوە بۆ ماڵ.
سەرەڕای ڕێککەوتنی ئۆپێک پڵەس بۆ کەمکردنەوەی بەرهەمهێنانی نەوت لە مانگی ئایارەوە بەبڕی 9.7 ملێۆن بەرمیل نەوت لە ڕۆژێکدا، پیشەسازی نەوتی بەردینی ئەمریکا تووشی دۆخێکی سەختی ئابووری بووەوە.
بەگوتەی ئارتیم ئابرامۆڤ، ڕاویژکاری باڵای کۆمپانیای ڕیستاد ئینرجی، چاوەڕواندەکرێت لە هەندێک کێڵگەی نەوتی، نرخی بەرمیلێک نەوت بگاتە تاکژمارەیی ( یەک تاوەکوو نۆ) .
بەپێی ڕاپۆرتێکی سپیەرس و ئەسۆسیەت ( S&A) ، لە ساڵی 2020 دا خەرجیی کێڵگە نەوتییەکان بە ڕێژەی 21% یاخود 211 ملیار دۆلار کەمدەبێتەوە، ئەمەش لە پانزدە ساڵی ڕابردوودا نزمترین ئاستی خەرجیی کۆمپانیاکانی نەوتی بەردینی ئەمریکایە.
بە گوتەی ڕاول نویتز، بەڕێوەبەری ڕاوێژکاری کۆمپانیای سۆلیک بارودۆخەکە وەک قەیرانی ساڵانی 2014 و 2016 نییە، بانکەکان ناتوانن زیاتر هاوکاری دارایی کۆمپانیاکانی بەرهەمهێنانی نەوت بکەن، پێشبینی ئەوەش دەکات زیاتر لە 60 کۆمپانیای بەرهەمهێنانی نەوت هەوڵدەدن خۆیان لە وەبەرهێنەران بشارنەوە و خاوەنەکانیان بگۆڕن لە ئەمساڵدا.
لەوانەیە ڕێککەوتنەکەی نێوەڕاستی ئاداری ئۆپێک پڵەس یارمەتیی کۆمپانیایەکی وەک تیکسلاند پیترۆڵیۆم نەدات کە کار لە 1هەزار 200 بیری نەوتی لە کێڵگەی سەرەکی بەرهەمهێنانی نەوت لە ئەمریکا دەکات. چونکە پاڵاوگەکانی ئەمریکا و کۆمپانیاکانی گواستنەوەی نەوتی وەک فلیپ 66 داوایان لێکردووە بە ڕێژەی 15% هەناردەکردن کەمبکاتەوە، کڕیارانی دیکەشی گریبەستی کڕینی نەوتیان هەڵوەشاندووەتەوە.
جیم ویلکیس سەرۆکی کۆمپانیای تیکسلاند پیترۆڵیۆم دەڵێ هەرگیز ڕووبەڕووی دۆخی لەم شێوەیە نەبووینەتەوە کە نەتوانین ئەو نەوتەی بەرهەمی دەهێنن بیفرۆشین، بەڵام ئەمجارەیان لە دۆخێکی لەو شێوەیە داین.
بەپێی فەرمانگەی زانیاری وزەی ئەمریکا، ئەمساڵ بەرهەمی ڕۆژانەی نەوتی ئەمریکا بە بڕی 500 هەزار بەرمیل کەمدەکات و کۆی بەرهەمی ڕۆژانەی نەوتی ئەمریکا لە 12.3 ملیۆن بەرمیلەوە بۆ 11.8 ملیۆن بەرمیل کەمدەکات. بڕی دابەزینی بەرهەمیش لە ساڵی داهاتوودا بۆ 700 هەزار بەرمیل نەوت لە ڕۆژێکدا بەرزدەبێتەوە.
کەمکردنەوەکانی بەرهەمهێنانی نەوت دادی جیرمی داڤیز کرێکاری کۆمپانیایەکی خزمەتگوزاری نادات کە لە مانگی ئادارەوە کارەکەی لە دەستداوە. داڤیز جەخت لەوە دەکاتەوە ئەمساڵ کۆمپانیاکانی بەرهەمهێنانی نەوت ناتوانن کار لە هەڵکۆڵینی زۆربەی بیرە نەوتەکان بکەن، دوای 16 ساڵ کارکردن لەم پیشەسازییەدا، ئێستا بیر لەوە دەکەمەوە کارێکی دیکە لەدەرەوەی پیشەسازی نەوت بدۆزمەوە، چونکە ناتوانم چاوەڕوانی ئاساییبوونەوەی دۆخەکە بکەم.
بەگوتەی شارەزایەکی ڕاویژکاری پیشەسازیی نەوت، وەبەرهێنەرەکانی شەقامی واڵ ستریت ماوەیەکی زۆرە وازیان لە وەبەرهێنان لە کەرتی نەوتی بەردینی ئەمریکا هێناوە، چونکە قازانجی کەمە و قازانجەکەی بە ماوەیەکی کەم ناگەڕێتەوە.
نەوتێکی نەفرۆشراوی زۆر لە بۆرییەکانی گواستنەوەدا هەیە، لەبەرئەوەشە کۆمپانیاکانی بەرهەمهێنەری نەوت کارکردنیان لە بیرە نوێیەکاندا وەستاندووە، ئەوەش تاوەکوو ئەوکاتە بەردەوام دەبێ کە کڕیار یان ئەمبارێکیان دەستدەکەوێت.
سکۆت شێفێڵد خاوەنی یەکێک لە کۆمپانیاکانی بەرهەمهێنانی نەوتە و دەڵێ کۆمپانیاکەمان ئاگادارکراوەتەوە لەنێوەڕاستی ئایارەوە ئەمبارەکان پڕدەبن و هیچ بڕە نەوتێکی بەرهەمهاتوو لەوکاتەوە وەرناگرێت.
خاوەنی کۆمپانیاکانی نەوتی بەردین داوا لە حاکمی ویلایەتەکانیان دەکەن ڕۆڵیان هەبێ لە سەپاندنی کەمکردنەوەی بەرهەمهێنانی نەوت بە ڕێژەی 20% . هەر وەک چۆن بەرپرسانی وزەی تێکساس ڕۆڵیان گێڕا لەوەی کۆمپانیاکەی شیفێڵد بەرهەمی ڕۆژانەی بە بڕی 1 ملیۆن بەرمیل کەمبکاتەوە، بۆ ئەوەی ڕێگری بکەن لەوەی بەرمیلیک نەوت بە هەرزانتر لە تێچووی بەرهەمهێنانی بفرۆشرێت.
شێڵمان دەڵێت بە هاوکارەکانم گوتووە چاوەڕوانی باشبوونەوەی دۆخی پیشەسازی نەوت نەکەن و بەدوای کاری دیکەدا بگەڕین لەدەرەوەی پیشەسازی نەوت.
شیڵمان لە باپیرانییەوە بیری نەوتی بۆ ماوەتەوە، هەر بۆیە گەنجترین کەسی خێزانەکەیان بووە کە خۆشییەکانی بازرگانیی نەوتی چەشتبێت، ئەو بەڵینیداوە ئەگەر هەموو بیرەکانیشی دابخات ئەوا کرێی کرێکارەکان هەر دەدات، بەڵام هەروەک خۆی دەڵێت دۆخەکە لەدەرەوەی کۆنترۆڵی مندایە و ئەمە لەڕووی دەروونییەوە دەمکۆژێت. [1]