گاجووت تێ ناگا، بلوێر لێدەی بۆی.
ئەو گایانەی کە کاری جووتکردن و کێڵانی زەوییان پێکراوە زۆربەیان خەسێنراوون، زۆر خورت و قەڵەو و بەهێزبوون، هەموو جوتیارێک بەئاسانی پێی بەرزەفت نابوون، دەبووایە توند شەتەک بدرێن و لێیان ڕابخوڕێت تاوەکوو هێڵی کێڵانەکە بەڕێک وپێکی ببنە سەر سەدە و خوار نەبێت، ئەمەش پێویستی بە لێخوڕین و دار و نەقیزە هەیە، نەوەکوو بلوێر لێدان، ئەوە بووە بە ئیدیۆم و بۆ ملهوڕان و لاملان قسەی خۆش کەڵکی نییە بەڵکوو پێویست دەکات کوتەک و شەق بەکاربهێنرێت.[1]