قۆم گۊشتیچت بوەرۊ، پېشېت نمەماڕۊ.

پېسە واتەنشا قۆم، ۋنیش ئینا لاشەمانە، یانی ۋنیشا تېکەڵەنە، چوونکوم بنەچەشا یۊن، وەڵینەکېشا برێ و مامۊزێ و مەتیەزێ بیېنۍ، ۋەرو ئانەیە گەر کېشێوە بگنۊ مېیانشا، هەرگیز مەکېشاش پەی دژمەنداری، دلۍ وېشانە چارەش کەران.
گەر دوۍ قۆمۍ یۊترینی نەدۊنا، یام سەرو میراتێ یان ژەن وازیێ گرفت بگنۊ مېیانشا، قسۍ گولۍ کېیانا پەی یۊترینی، بەڵام هەرگیز ڕا نمەڎان کەسێ لاڎییدە دژمانێ یان قسێ گولە بواچۊ بە یۊیشا، ئاڎۍ یەکسەر ماچان: ڕاسەن گرفت مېیانمانە هەن، بەڵام ئېمە قۆمېنمۍ، گەر گۊشتو یۊترینیچ بوەرمۍ، هەرگیز پېشۍ یۊی نمەماڕمۍ. ئانەیچە هۊکارش ئا پېوەڼیە وەڵینەنە کە ئینا مېیانشانە، کەمی و نوقسانی هەر یۊیشا، کەمی و نوقسانین پەی ئەوی تەریشا.[1]