ئڼە لووە باوان، جلۍ چېرت بېیاوان
ئام و شۊ، سەردای کەسوکاری و یانە باوانی، هەرمانێ شەرعیە و ئینسانېیەنە، پېوەڼیە کۊمەڵییەکا پتەوتەرۍ کەرۊن، وەشەویسی مېیانو کەسەکانە فرەتەر کەرۊن.
بەڵام گرڎ چېوێچ سنوورێ دیاری کریاش هەن، مەشۊم جە حەددێنە بازیۊوە کە قەدرش چەنەبۊ. وەڵینەکېما جە پېوەڼیە کومەڵیەکانە فرە پېوەسۍ بیېنۍ، یانی پێشا جە ئام و شۊ کەس و کاری نەبڕیێنۍ، بەڵام بە تەجرەبەو وېچشا پەیشان بەرکەوتەن هەکە زیاڎەڕەوی چەنەش ئیتر گولەن، قورسایی و سەنگینی ئینسانی کەم مەبۊوە، پەوکەی واتەنشا:
ئڼە لووە باوان، جلۍ چېرت بېیاوان.[1]