دوای کێشە ئەمنییەکانی نێوان پارتی و یەکێتی، کە بووە هۆی ڕاگرتنی بودجەی دژەتیرۆر لەلایەن ئەنجوومەنی ئاساییشی هەرێم و دەرچوونی بڕیاری سزای لەسێدارەدان بۆ #وەهاب هەڵەبجەیی# بەرپرسی دژەتیرۆر و چەند بەرپرسێکی دیکەی ئەو دەزگایە، یەکێتی لە ڕێگای ئێراقەوە هەوڵی شکاندنی گەمارۆی سەر دژەتیرۆری دەدات.
هێزەکانی دژەتیرۆری یەکێتی بەشداری لە ئۆپراسیۆنەکانی هێزە ئێراقییەکان دەکەن لە پارێزگاکانی کەرکووک و دیالە و سەڵاحەدین ئەمەش بۆ ئەوەی ببێتە هۆی شکاندنی ئەو گەمارۆیەی لەلایەن حکومەتی هەرێمەوە خراوەتەسەریان.
لە سنووری پارێزگای کەرکووک، فەوجی کەرکووکی دژەتیرۆر بەفەرمی بووەتە ئەندامی ئۆپراسیۆنە هاوبەشەکانی پارێزگاکە و یەکەم هێزی ئەمنی کوردییە لە دوای ڕووداوەکانی 16ی ئۆکتۆبەری 2017 ەوە بەفەرمی چالاکی لە سنووری پارێزگای کەرکووک ئەنجام بدات.
بەشداری و مامەڵەی فەرمیهێزە ئێراقییەکان لەگەڵ دژەتیرۆری یەکێتی، بەهۆی داواکارییەکانی #بافڵ تاڵەبانی# بووە لە دەزگای ئاساییشی نشتیمانی ئێراق. کە بەهۆیەوە دەزگای هەواڵگری ئێراق، فەرمانی بە ئۆپراسیۆنە هاوبەشەکانی پارێزگاکانی کەرکووک و دیالە و سەڵاحەدین کردوووە کە فەوجەکانی دژەتیرۆر لە سنووری چالاکی خۆیان بکەنە ئەندام لە ژووری ئۆپراسیۆنەکانیان. [1]
کوردیپێدیا بەرپرس نییە ل ناڤەڕۆکا ئەڤێ تۆمارێ و خودیێ وێ ژێڕە بەرپرسیارە. کوردیپێدیا ب مەرەما ئەرشیڤکرنێ تۆمار کرییە.
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 361 جار هاتیە دیتن
ڕایا خو دەربارەی ڤی بابەی بنڤێسە!