بەڼەو خوڎای بۍ عەیب نېیەن

ئەچی دنیانە هیچ کەسێ کامڵ نېیەن، مرۊڤی کامڵ تەنیا بە نامېنە، ئڼا گرڎ بەشەرێ بڕێ کەم و کوڕیۍ و عەیبېش هەنۍ.
گەر لایەنی فیزیکی گېرمۍ، وېنمۍ هەر یۊ جە لاشەشەنە کەمیێ هەن، ئیتر ڕەنگە ئا کەمییە دیار بۊن، ڕەنگەیچ فرەو خەڵکی هەسش پەنە نەکەرۊن.
ئانەیچ بېیەن بە ئیدیۆمێ خەڵکی بەکارش ماران، زېیاتەریچ پەی کەم و کوڕیە مەعنەویەکا، یان سیفەتەکا.
پەی نموونەی (ڕەزیلی، چەم پیسی، دڵ پیسی، تالېق دەری، کەم ئاوەزی، ۋیر کۊڵی، تەمەڵی، ..هتد) .
پەی نموونەی چن کەسێ باس جە نەفەرێ کەران، باس جە پېیاوەتیش و نان بڎەییش و دەس و دڵ عالیش کەران، بەڵام عەینو وەختینە باس جە سیفەتێ خرابیچش کەران، ماچان فرە دوۊەن، یان چەنەبازەن، ئیتر کەسێ جە کۊنیشتەکەنە ماچۊ: ئیتر پاسنەن، بەڼەو خوڎای بۍ عەیب نېیەن.[1]