Nûstık: FERAT eve ŞİRİNE ra
Nustekar: Yismail Mirza
Çapa Yewine: 2018
Çapxane: Vırene
Herune : Estemol
FERAT eve ŞİRİNE ra
Perda Juye
Sahne: I
Ca: Zerré çeyi
Keşi: Gezal Xatune, Dadiye, Serhekim, Wezir,
Astronas, Xismekare
(Pey de, veré pençeri de, ju cile, cile de ju néwese. Xismekare dest de vaydara de girse, sanenara, néwese kenn honike. Ver de di ceniky, di ki mordemeky...)
Gezal Xatune: Ez Gezal Xatune, çena Şahseneme... Hukumdara na welati... (Vindena, néwese de niadana) Taliye mordemi ke sa vi, hukumdare vo se beno, xismekare vo se beno! Waa mi néwesa, Şirine: kota cile. (Vengé xo kena berz) Şirina mi, ax Şirina mi! Rindeka mi! Neçara mi! Nika roy verde ra, mi dest ra thowa nino. Ax Şirina mi!
Dadiye: Mi ra vané dadiye. Dadiye çıka, çıvawa? (Desté xo kena derg. Gezal Xatune eve Şirine ra musnena era niadogu) Şahseneme né ardi dina, eşti pésa mi. Şahseneme...[1]