داری بۍ بەر، پەی بڕیەی خاسا
وەختێ ماچمۍ درەخت، یەکسەر میوەما مەگنۊوە ویر، درەخت وەزیفەی بنەڕەتیش گېرتەی بەرهەمیەن، کە چڼەها جۊرېن، چڼەها تامېن، چڼەها ڕەنگېن. سەربارو بەرهەمیش چڼەها سوودۍ تەرېش هەنۍ، پېسە تەختە و دارەکەیش، سەیەکېش پەی یاگۍ ۋچانی، گەڵاکەش پەی داو و دەرمانی.
قەڎییمیا واتەن گەر درەختێ بەرش نەبۊ، پەی بڕیەی خاسەن.
پېسە ئیدیۆمێ بەکارئامان وەراوەر ئا کەسا کە دلۍ کومەڵینە بۍ بەرهەمېنۍ، سوودشا پەی وۑشاو پەی خەڵکی نېیەن، پەی مەردەی خاسېنۍ. ڕەنگە بڕێ جار تاتە بە کوڕەکەیش ئا ئیدیۆمۍ واچۊ، داواشا وەنەکەرۊن پەی ئانەی هەرمانێ کەران.[1]