لەسەر داوەتنامەی فەرمی ، خالید کبیان ڕاوێژکاری وەرزشی سەرۆکی ئەنجوومەنی وەزیرانی ئێراق بەڕێز حاکم #مەحمود ئەحمەد موراد# جێگری سەرۆکی #یانەی وەرزشی پێشمەرگەی سلێمانی# بەشداری لە کۆڕبەندی وەرزشی ئێراق دەکات .
کۆڕبەندەکە بە چاودێری ، محەمەد شیاع سوودانی سەرۆکی ئەنجوومەنی وەزیرانی ئێراق و لەژێر ناونیشانی ( تحديات العصر وافاق المستقبل ) بەڕێوە دەچێت و هۆڵی هۆتێل ڕەشید میوانداری دەکات ، بڕیارە لە ماوەی دوو ڕۆژی کۆڕبەندەکەدا باس لە بەرەوپێشچوونی ژێر خانی وەرزشی ئێراق بکرێت و پلانی نوێ بۆ خزمەت بە چینی گەنجان و لاوان دابنرێت .
جێگەی باسە یانەی وەرزشی پێشمەرگە بە یەکێک لە یانە دیاریەکانی گۆڕەپانی وەرزشی ئێراق دادەنرێت و جێگری سەرۆکی یانەکەش بە سومبولی خزمەت بە وەرزش لە کوردستان و شاری #سلێمانی# ناوزەندەکرێت ، ئەوەش لە لێدوانە فەرمییەکانی بەرپرسانی وەرزشی ئێراق کە بەردەوام سەردانی یانەی وەرزشی پێشمەرگە و یاریگاکانی دەکەن و یانەکەش دەرگای وەڵا بووە بۆ خزمەت و کار ئاسانی بۆ تەواوی وەرزشکاران لەسەر ئاستی کوردستان و ئێراق دا .
[1]