شۆڕشی فەرهەنگی؟
شۆڕشی فەرهەنگی جە پەیدیا تەبەقیەکەیشۆ بەشێن جە شۆڕشو سۆشېیالیستی، یانی دمای ئانەی تەقەیۊرێ گۆرە دلۍ پېوەڼیەکا بەرهەمئاردەینە کریۊ، یانی سیستەمی تەبەقی سەرمایەداری چەرخیۊ پەی سیستەمێ سۆشیالیزمی، سەرخانی فەرهەنگی کۊمەڵیچ چەنیش تەقەیۊر کەرۊ.
شۆڕشی فەرهەنگی ئەچی قوناغە تازېنە تەقەیۊرێ بنیاڎنەرانە مارۊ سەرو بارو فەرهەنگە کۊنەکەیرە، سەرو بنەمێوە ئابووری و کۊمەڵی تازەی نریۊ.
شۆڕشی فەرهەنگی چن لایەنېش هەنۍ پېسه: بوارو فېرکەردەی و پەروەردە کەردەی، ناستەی نەخوڼەواری، سەپنای وانای سەرەتایی ملو خەڵکیرە، هۊرخېزنای ئاسو هۊشېیاری خەڵکی، کەنار ۋستەی فەرهەنگە دماکۆتەکا، زیڼەکەردەیۆ کەلەپوورو هونەری و ئەدەب وەڵینا، ..هتد.
پەیدیا گردینەکەشۆ هەنگام نیای پەی زیڼەکەردەیۆ فەرهەنگە زەریفەکا، لابەردەی فەرهەنگە دماکۆتەکا، کۊمەک کەردەی خامە ڕەنگین نویسەکا، فېرکاری بۍ وەراوەری مادی، فەراهەم کەردەی مافە فەرهەنگی و کەلتووریەکا گرد چین و ناوچەو میللەتێ، بەرقەرار کەردەی مافو وانای بە زوانی ئەڎایی پەی گرڎ کەسێ.[1]