ب دەستووری خودێ

ئەز ھاتمە دنێ من کارەک نەکر
تەمایا دنێ زۆر داری ل من کر
مرن ھات و غەلبێ من بر


***

چەند سەبەقێن پیرۆز ژ قەولێ چاکێ مە ب سەردە

چاکێ مە ب سەردا
مە ژ وەحدانیێ خەبەردا
زۆرا ئەڤ دنیا گرە و ئاخرەت بەردا

***
خۆزی چۆبامە دیوانا وان دەروێشا
یێ دلێ وان ژ بەر مێر و موحبەتا سلتان شیخادی د ئێشا
ھەی دلۆ تو چەندی ب ئێشا

***
ھەی دلۆ تو چەندی ب کولی
چەند نالین و ئەرزنکا تو رادھێلی
خۆزی مرازا مە و حازرا ل دیوانا سلتان ئێزی ب حەسلی

***
خۆزی ل دیوانا شیخادی و مەلک شێخ سن مە حاسل بە ئەو مرازە
روویێ ڤێ دنیایێ نە قەول مایە و نەوەعدە
گەلەک خەلکێ ب بەستەیی سەر رێیا شیخادی گاڤدە

***
مە ئێک دڤێت مە ناس بکەتە
و تێکدا رابوون جوملەتە
ئەڤ دنیا وا بوویە روومەتە

***
مە ئێک دڤێت مە ناس بکری
رێیا ھەقیێ وا بوویە مشەمری
خودان ئیمان و خودان ئەرکان رونشتن و بۆ حالێ خۆ گرین

***
خەلکێ عنجانی دینە
ئەوان بەستبوو بۆری ب زینە
گەلەک خەلکێ ھاژ رێیا شیخادی نینە

***
خەلکێ عنجانی سەر خۆشە
تشتێ ل ڤێ دنیایێ یی زاڤ قادی و قەشە
روومەت نەما بۆ دەلق رەشە

***
خەلکێ عنجانی مشۆرە
گەلەک خەلکێ مە ھەقی نا ئێتە بیرە
روومەت نەما بوو فەقیرە

***
یێ تەمام خودێ یە.[1]