د ئێزدیاتیێ دا خێرا سەر ساڵا مری
دئێزدیاتیێ دا خالق خودێیە و مەخلوق تۆڤێ مرنێ یە، دەمێ ئێزدیەک بچت بەر دلۆڤانیا خودێ ب حەد و سەد و ڕێوڕسم تێتە ڕەوانەکرن بۆ مەزەلا مەزن ئەو ژی تربە (قەبرە) و بۆ هەفت ڕۆژا خزم و لێزم و گوندی و جینار بسەرڤە دچن و هەر وەسا هندەک سەر مەها چێدکەن و هندەک چلێ چێدکەن و هەموو خێرە بۆ ڕوحا وی مری هەتا ڕۆژا ساڵێ و پشتی ساڵێ ئەو خێرا بێتە کرن بۆ مالێ یە و ل گۆر بیر و باوەرێن ئێزدیاتیێ خێرا مری هەتا سالێ یە ب هژمارە و پێتڤیە سەر سالا مری یازدە هەیڤ دەڕبازبن و بێتە کرن و هەکە ڕۆژەک ژ ساڵێ یەکێم بیت ئەم دبێژین یێ تەمام خودێیە. چلا مری هەکە سيﮪ رۆژ دەڕبازبت دێ ڕۆژا دێ بتە سیﮪ و ئێک و خودانێ مری دەست ب چێکرنا خێرا چلێ بکەت دورستە ل پشتی سیﮪ رۆژ دەربازبت و هەکە بەری سيهێ بت دێ هێتە هژمارتن هەیڤەک لەوما دڤێت ژ هەیڤێ دەربازبت دێ هێتە هژمارتن چل.
سەر ساڵا مری یە فەرە یازدە هەیڤ تەمام بن، هندەک ب هەفت هەیڤا یان ب نەﮪ هەیڤان دێ ساڵێ چێکەن ئەو هنگی بلا بزانن دەمێ ناڤێ ساڵێ لسەر بینن و خێرا وی مری چێکەن ئەو ڕۆژا دوماهیێ یە و ئەو مری دێ دەربازی هەق و حسابا ئاخرەتێ بت.
ژ ئەدەبێ دینێ مە ئێزدیان دبێژت:
ئەز برمە مالەکا وێرانە
ئاخ ئینا سەر من ب بێرانە
ئەز خلاسکرم ژ غیرەت و خێرانە .
هەر کەسێ ب ساغی بخۆ خێر و خێرات کربن گەلەکە بۆ وی و دەمێ د مرت ئەو هەو دکارت خێر و خێراتە بکەت لەوما وەک باوەریا ئیزدیناسیێ هەتا رۆژا زادێ سەر ساڵێ بۆڕا بدەن ئەو خێرە هەرە تالیێ یە بۆ مری.
ڕامان ژ ڤێ شرۆڤێ هون لەزێ ل ساڵا مری نەکەن و بەهرا وی ژ مالێ قوتنەکەن و ئەو خێرا هون ل هەفت مەها یان نەﮪ مەها بدەن ئەوێ خێرێ پشتڤە ببەن و بلا بتە یازدە هەیڤ و زێدەتر دێ بتر خێر ل ڕوحا مریێ وە گەرێت .
ژ ئەدەبێ دینێ مە ئێزدیان دبێژت:
ئێزدینەمیر وە دەنگ هلتینی
ئەو کییە خێر و خێراتە مرییا دگەهینی
ئەو سلتان ئێزییە ل دەریێ کانیا سپی دمۆرینی .
هەر کەسێ ئاڤەک یان نانەک و هەر خێرەکە بناڤێ مریێ خۆ دابت ل جەم سلتان ئێزی تێتە مۆرکرن و بۆرا خێرەکە مەزنە و ژ ئەدەبێ دینێ مە ئێزدیان دبێژت :
سلتان ئێزی ب خۆ پەدشایە
هەزار و ئێک ناڤ ل خۆ دانایە
بەلێ ناڤێ مەزن هەر خودایە .
یێ تەمام خودێ یە.[1]