چاشتەو دوە ژەنەی یان سۊڵەنە، یان بېمەکە
سرووشتو ئینسانی ئەچامنەن، گەر شەریکو هەرمانۍ پاڵشەنە بۊن مەگنۊ تەمەڵیۍ، هازیش کەمە بۊوە، دڵوەشیش و دڵسوزیش پەی هەرمانەکۍ کەمە مەبۊوە، چوونکوم هەرمانەکۍ تەنیا بەهینەو وېش نمەزانۊ.
بەڵام گەر یەک نەفەر تەنیا هەرمانێ کەرۊن، بە دڵ مەی دۆر و خولشەرە، گەرەکشەن بەرهەمێ زەریفش بۊن، چوونکوم دمایی تەنیا ڕیشو وېش مەگېرۊوە، گەر بەرهەمەکەش خاس بۊ، یان خراب.
زیاتەر دلۍ خانمەو یانەینە بەرمەگنۊ، وەختێ خانەوادېوە چن مېمانېشا ملان، ژەنەو یانەکەی بە کورج و گۊڵی مەی دەمشاوەو چایی و ئاویشا پەی مارۊن، خزمەتشان کەرۊن، بەڵام کەر دوۍ ژەنی بان، ئانە ئېڎە تەماڎارەو ئاڎېشانە، خۊ ئانە ئەر هەوۍ بان، قینیۍ یۊترینینە گرفت ۋزا هەرمانەکۍ، هەر یوەشا هۆڵۍ مڎۊ ئەوېشا ناشیرینە کەرۊن. فرەو جاری دوۍ هەوۍ یانېوەنە قینیۍ یۊترینی چاشتەکېشا سۊڵە، یان بېمەکە کەران، بە نېیازو ئانەی مېردەکەش ئەوەش بېزیۊو وزۊش پەشتەو گۊشا.[1]