کە وېت یانەت شیشەینا، تەۋەنی مەگېرە یانەو خەڵکی
بڕێ خەڵکۍ هەنۍ هەر پېسە سرووشتو وېشان مەگېڵان شۊنەو عەیب و عارو خەڵکیرە، دلۍ چایخانە و بازارینە، دلۍ کۊنیشتەکانە، دەسکەران بە زەم کەردەی خەڵکا تەری، ئانەیچ جۊرێ نەوەشین.
ئا کەسۍ گرفتی دەروونیشان هەن، هەس بە کەمی کەران، ۋەرو ئانەیە مەگېڵان پەی عەیبەو خەڵکی پەی ئانەی ئاڎییشاچ وەزنارە پەی ئاسو وېشان.
ئا جۊرە کەسۍ بېئاگێ چانەیە هەکە وېشا پەڕېنۍ عەیب و عار، خەڵک خاسشا مشناسۊ، بۍ گومان یاگێنە خەڵک تەقۊشا چۊری و تەرېقېشا کەرۊوە، پەنەش ماچان: تۊ وېت یانەت جە شیشېنە، چی تەۋەنی مەشانی پەی یانەو خەڵکی.[1]