دارەسانو چنارا
ئاماڎەکەردەی: #ئەسعەد ڕەشید#
ڕوێ جە ڕوە فرە ناوەشو سیاوەکا وېیەردەو مروڤایەتینە، دبلوماتکارێ یابانی جە لیتوانیا ئەرکدار بۍ، جە سەردەمو جەنگی جەهانی و قەتڵو عام کەردەی جولەکەکانە، ئی دبلوماتکارە گېیانو هەزارەها جولەکاش نەجاتدا و ڕزگارش کەردۍ، ئاڎییچ بە پەنەبەخشای ڤیزای بە جولەکەکا، دماتەر بەرشېیەیشا چا وڵاتەنەو ڕزگار بېیەیشان جە پرۆسەو سۊچنای دلۍ کوورە ئایېرینەکانە.
دمای مدرای جەنگی و ئاسایی بېیەیۆ وەزعەکۍ، جولەکەکۍ سەرگەرمو ئانەی بېنۍ کە نامۍ ئا خەڵکە دلېرو ئازاو ئینسان دۊسا کۆکەراوە کە چا کومەڵ کوشتەینە یاردی جولەکەکاشا دان،
یۆ چا خەڵکە دلېر و قارەمانەیە نامېش (سوگيهارا) بۍ.
پەی ئېژایی و پەنەزانای قەرارشادا کە باخێ جە دارو گېلاسی بنیارەو نامۍ ئاڎییش پۆ بنیا، بەڵام دماتەر ئا قەرارەشا هۊرڕووشکناوە، بەهۊکارو ئانەی باخو گېلاسی ڕەمزێ گولانەن، نېیەن وەراوەرو خزمەتەکا سوگيهارایۆ.
دماتەر قەرارشادا جیای ئانەیە باخێ پەڕ جە دارو چنارا بنیارە، چوونکم چنار دارێ بە هەیبەتاو دمای ئانەیچە دارێوەن کە یوەم پەرسگاو جولەکەکانە نریان و موبارەکەن.
دمای نیای نەمامە چنارەکا، پەی یوەم جاری دەسەڵاتدارە جولەکەکۍ زاناشا کە (سوگيهارا) جە زوانی یابانینە بە ماناو (دارەسانو چنارا) مێ.[1]