بېما بېما و بېنمۍ بېنمۍ بە دەرەک، ئیسە چېشما هەن و چېشۍ هەنمۍ؟
نویستەی: #ئاکۆ مارانی#
خەڵکو پېنجۋېنۍ چڼ هەزارېۋ نەمامڵۍ تفاشا نېیێنۍ و گەرەکشانە پېنجۋېنۍ ۋزانە ڕیزبەڼی (شارەکا فېربېیەی جەهانی) !
ئەی ئېمەی قسە زلۍ بېکرڎەۋۍ چېشما کەرڎەن و خەریکۍ هەنمۍ چېش کەرمۍ؟
چە تەۋېڵۍ و بېیارۍ و خورماڵ و دەگاکا تەرینە چڼ نەمامېما نېیێنۍ، چڼ مەترۍ ڕۇتەنی کەشەکا-ما کەرڎەن بەسۊزەڵان، چڼ نەرۍ و بلچی و ۋەنی و سنجەی و ۋامی و سنۊبەرۍ و کاچۍ-ما ڕسنێنۍ؟
چڼ شەخەڵۍ کیمیاییۍ-ما گلېرۍ کەرڎېنێ و چڼ هانۍ و دەرۍ و دەرەگێ-ما پاکۍ کەرڎېنێ؟
چڼ ژەرەژی-ما ۋەرۍ دێنۍ و چڼ تاپڕۍ و فلچۍ-ما سۊچنێنۍ؟
چڼ سێرانکەرۍ ژیۋار-ۋېرانکەرۍ-ما ناچارۍ کەرڎېنۍ دەگاکاما پېسۍ نەکەرا و شەخەڵەکەیشا پەی یانەو وېشا بەراۋە؟
چڼە تاۋانما هەۋاو دەگاکاما چە دووکەڵو ئۆتومەبێلو سێرانکەرا پارېزنمۍ.[1]