ناونیشانی بابەت: ڕێگاکانی ڕێگریکردن لە دووگیانی
بەشی چوارەم
ئامادەکردن و نووسین: د. #کەژان کاوە تەها#
حەبی مەنع: یەکێکە لەڕێگا سەرکەوتووەکان ئەگەر بەڕێکوپێکی بەکاربهێنرێت و جگە لە ڕێگری کردنی دووگیانی چەندین سوودی تریشی هەیە لەوانە:
- کەمبوونەوەی ئازار و خوێنی سووڕی مانگانە.
- ڕێککردنەوەی سووڕی مانگانە.
- زیپکە و مووی زیادە کەم دەکاتەوە.
- بۆ ئەو کەسانەی نەخۆشی بطانە مهاجرەیان هەیە سوودی دەبێت.
- کەمکردنەوەی مەترسی شێرپەنجەی هێلکەدان و ناوپۆشی منداڵدان.
=KTML_Bold=بەڵام لەم حاڵەتانەی خوارەوە نابێت بەکاربهێنرێت:=KTML_End=
- ئەگەر کێشەی خوێن خەستی هەبێت.
- ئەگەر گرێ یان شێرپەنجەی مەمک هەبێت.
- ئەگەر لە پێشووتر جەڵدەی دڵ یاخود مێشک هەبووبێت.
- ئەو کەسانەی بەرزی فشاری خوێنیان هەیە.
- تەمەنی سەروی 40 ساڵ بێت.
- شەقیقە.[1]