سەرۆکی فراکسیۆنی #پارتی دیموکراتی کوردستان# لە پەڕڵەمانی ئێراق ئاشکرایکرد، سبەی شاندی پارتی لە #بەغدا# لەگەڵ ھاوپەیمانی ئیدارەدانی دەوڵەت کۆدەبێتەوە و چەندین پرس لەگەڵ ئیدارەدانی دەوڵەت دانووستانی لەبارەوە دەکرێت.
د. #ڤیان سەبری#، سەرۆکی فراکسیۆنی پارتی لە پەڕڵەمانی ئێراق ڕایگەیاند: من نازانم کەی شاندی مەکتەبی سیاسی پارتی دەگاتە بەغدا، بەڵام سبەی ڕۆژی دووشەممە #07-08-2023# شاندی پارتی لەگەڵ ھاوپەیمانی ئیدارەدانی دەوڵەت کۆدەبێتەوە، پێشتر ئاماژەم بۆ ئەجێندای سەردانەکەی شاندی مەکتەبی سیاسی پارتی کردووە چەندین تەوەر لە خۆ دەگرێت.
د. ڤیان سەبری وتیشی: ڕەوشی سیاسی ئێراق و ئەو ڕێککەوتنەی ھاوپەیمانی ئیدارەدانی دەوڵەتی لەسەر پێکھاتووە دەبنە تەوەری سەرەکی کۆبوونەوەی شاندی پارتی و لایەنەکانی نێو ھاوپەیمانی، ھەروەھا بابەتی ئامادەکردنی یاسای نەوت و غازیش دانووستانی لەبارەوە دەکرێت. [1]