ئەمڕۆ هەینی #01-12-2023#، #مەسرور بارزانی#، سەرۆکی #حکومەتی هەرێمی کوردستان# لە چوارچێوەی بەشداریکردنی لە لوتکەی جیهانیی کەشوهەوا (COP28) لە دوبەی چاوی بە ژمارەیەک لە سەرکردەکانی جیهان کەوت.
مەسرور بارزانی، سەرۆک وەزیرانی هەرێمی کوردستان ئەمڕۆ 01-12-2023 لە دوبەی، لەگەڵ ژمارەیەک لە سەرۆک و سەرۆک وەزیرانی و بەرپرسانی جیهان دیدار و گفتوگۆی هەبوو. لەوانە شا چارلس شای شانشینی یەکگرتوو، شێخ تەمیم بن حەمەد میری دەوڵەتی قەتەر، مارک ڕووتە سەرۆک وەزیرانی هۆڵەندا، ئەلیکساندەر دیکروو سەرۆک وەزیرانی بەلجیکا، نەجیب میقاتی سەرۆک وەزیرانی لوبنان، بیشر خەساونە سەرۆک وەزیرانی شانشینی ئوردن و ئۆرسۆلا ڤۆندێرلاین، سەرۆکی کۆمیسیۆنی یەکێتی ئەوروپا و قاسم توکاییڤ سەرۆکی کازاخستان و جۆن کێری نێردەی باڵای سەرۆکی ئەمەریکا بۆ کاروباری کەشوهەوا و ژمارەیەک لە بەرپرسانی باڵای ئیمارات.
لەلایەکی دیکەوە هەر ئەمڕۆ 01-12-2023 لە یەکەم ڕۆژی دەستپێکردنی لوتکەی جیهانی کەشوهەوا، سەرۆکی حکوومەت لەلایەن سەرۆکی ئیمارات شێخ محەمەد بن زاید ئال نەهیان و سکرتێری گشتیی نەتەوە یەکگرتووەکان پێشوازی لێ کرا. [1]
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 177 جار هاتیە دیتن
ڕایا خو دەربارەی ڤی بابەی بنڤێسە!