دەگاو چەرمۆی
بەڵگە ئېزیاکۍ ئیشارەت پانەیە مەکەران کە دەگاو چەرمۆی جە سنوورو چەمچەماڵی، سەرەتاو دەسپەنەکەردەی ژیوای بەشەری جە وەرکۆت و میزۆپۆتامیای بېیەن، ئا بەڵگۍ، شارەزاو تۊکارو بوارو شارەسانیەتی (عەبدوڵڵا ئۆج ئالان) دلۍ تۊمارەکاشەنە چڼیین ڕاسیۍ نیشانە مڎۊن کە سەرەتاو ژیوای جە وەرکۆت و میزۆپۆتامیاوە دەسش پەنەکەردەن. ساڵەو (1948 ز) پەی ساڵەو (1955 ز) تیمێ جە زانکۊ شیکاگۆی ئەمریکی بە سەروکاری ڕۆبیرد برێدوود بەشېوێ زانستی و دمای ۋشکنایێ وردی تاواشان چڼیین کەرەسۍ سەرەتایۍ کشتوکیاری و بڕێ دمامەڼۍ بېزاوە کە کۊنیشان مەگېڵۊوە پەی هەشت هەزار ساڵا وەڵۍ زایینی. بڕێ چا کەرەسە ئېزیایا جە نۊعە تەۋەنێ وەشېکریێنۍ کە تەنیا دلۍ دەریاچەو وانینە بېیەیشان هەن. دلۍ شۊنەوارە ئېزیاکانە خوڎاوەندو ئەڎێ بېیەیش بۍ، ئانەیچ نیشانېنە پەی بېیەی شارەسانیەتی، چوونکوم سەرەتاو بەشەریەتینە ژەنی دەسەڵاتدارە بیېنە، فرەو پێکەرو خوڎاکا مېڵۍ بیېنۍ، دمای بەهېزبېیەی پیای پێکەرەکۍ قاڵبێ نېرانەشان هۊرگېرتەن.
ئانەی شایانو باسین ئا کەرەسە ئېزیێ دلۍ دەگاو چەرمووی، ۋشکنەرەکا چەنی وېشان بەردېنېشان.
ئەسعەد ڕەشید.[1]
ئەڤ بابەت ب زمانا (هەورامی - Kurdish Hawrami) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەڤ بابەتە 164 جار هاتیە دیتن
ڕایا خو دەربارەی ڤی بابەی بنڤێسە!