کورد دلۍ چەرخەکا تاریخینە
بەشۍ: سەڎ و سی و یەرەمە
نویستەی: #هاوڕێ باخەوان#
ساڵەو (1812ز): چن تۊمارێ ئینێ وەردەسەنە کە باس جە قۊمیاکا و ڕوەداوەکا ئی ساڵۍ مەکەران:
* بەدرخان پاڎشا، دەسەڵاتو میرنشینو بۆتانیش دەس گېرتەن، کە هەڵای تەمەنش هەژدە ساڵۍ بېیەن.
* ئەچی ساڵېنە، سیروڤبێ کارنیتسی کە ئەرمەنی بییەن، دلۍ شارو سلێمانیرە گوزەرش کەردەن و ژمارەو نیشتەجایەکاش بە (4000) کەسۍ نیانەرە، کە فرېشان کوردۍ بیېنۍ و (15) بنەیانۍ نەستووریۍ و (12) بنەیانۍ ئەرمەنیۍ و (8) بنەیانۍ جوولەکېش چەنەبیېنۍ.
* ئەچی ساڵېنە جەنگو ئۆڕەحمان پاڎشاو بابانی دژو عوسمانییەکا دلۍ کفری، پانیشتو کوردەسانی ڕوەشدێنە.
* ئەچی ساڵېنە ڕووسیا و تورکیا پێمانو بوخارستیشا بەست و کۊتاشان بە جەنگی ئارد.[1]