تەماعەی زیاڎۍ قنگەو پیای دڕۊ
تەماعە ئا نەوەشییە درېژخایەنېنە هەکە بەرۊکەی بڕێ جە ئینسانەکاش گېرتەن. پېسە مەزانمۍ تەماعە جە سنوورێ دیاریکریانە پېویسەنە، چوونکوم نیعمەتێنە جە نیعمەتەکا خوڎای پەی بەڼەکاش، پەی درېژەدای بە ژیوایێ تەندرووسی، بەڵام گەر چا سنوورەیە ترازیا، ئیتر یانە وېرانی و نەهامەتی پەی ئینسانی مارۊن، توشو هەزار دەردەسەریاش مەکەرۊن. ئا کەسۍ هەکە تەماعەشا فرېنە، پەی یاوای بە ماڵ و سامانی و دەسەڵاتی هیچ مانېع و وەربەسێشان نېیەن، گرڎ چېوێ مەکەران، ئۆپەڕو وۍ بەکەمزانی نیشانە مڎان، ملانە دلۍ وەربەرەو گرد نامەردێ، بە خاترەو دەسکۆتەی سەروەت و سامانی. پۆکەی واتەنشا تەماعۍ زیاڎی، قنگەو پیای دڕۊ، یانی ئا کەسۍ پەی دەسکۆتێ مادی و دنیایی گرد چېوێ بەهادار دۊڕنان.[1]