حیز بە لالۊ وېش فېرەن
بە کەسێ بېقابیلیەتی و بۍ ئەرزشی ماچان هەکە چەنی کەسە نزیکەکانوو وېش خرابە مەکەرۊن، زوڵمشان وەنە مەکەرۊن، مافشان مەوەرۊن، بەڵام چەنی خەڵکە بېگانەکا زاتش نېیەن فزە کەرۊن، بۍ دەسەڵاتەن. ئا جۊرە کەسۍ ئازێ نېیەنی، بۍ غیرەتېنی، وېچشان خاس مزانان، بەڵام مزانان قۆم و قیلەو کەسە نزیکەکېشان پەلامارەشان نمەڎان، پەوکەی ئانەشان کەردەن بەهانۍ و دلېشانە وېشان مرمانان
ئا جۊرە کەسۍ پەی گېڵنایۆ غیرەتی نەبېیەیشان، پەی بەرزکەردەیۆ کەسیبېیەی نەبېیەیشان، هۆڵۍ مڎان پاسنە وېشان نیشانە بڎان هەکە بە غیرەتۍ و بە شەهامەتېنۍ، بەڵام کەسە نزیکەکېشان فرە خاسشان مژناسان، مەزانان جبەرو وېشاوە ئانۍ چ پیێوەنۍ، بەڵام ئیتر زرووف پاسنەش کەردەن هەکە ئیسە وېشان مرمانان و شان و باڵ مەشانان.[1]