وەزارەتا بەرگریێ یا ترکیێ د هەفتەیا رابووری دە کوشتنا 10 چەکدارێن پەکەکێ ئیلان کریە، 2 ژێ دوﮪ رۆژا شەمی بوونە ئارمانجا بالافران.
ل گۆری وەزارەتا بەرگریێ یا ترکیێ ژ رۆژا دوشەمیا رابووری 11 ئادارا 2024ێ ڤە ئانکو د 6 رۆژان دە، بالافرێن شەر ل دژی لڤ و تەڤگەرێن پەکەکێ یێن ل هەرێما ئۆپەراسیۆنا پەنجە کلیدێ ئێریش پێکئانینه.
دەستنیشان کر، د ئەنجاما ڤان ئیریشان دە 10 چەکدارێن رێخستنا پەکەکێ هاتنە کوشتن.
ئارتێشا ترکیێ رۆژا 17ێ نیسانا 2022ان د ناڤ ئاخا باشوورێ کوردستانێ دە ل دژی پەکەکێ دەست ب ئۆپەراسیۆنا ب ناڤێ «پەنجە-کلید» کر و ئۆپەراسیۆن هەتا نها بەردەوامە. ئۆپەراسیۆنا «پەنجە-کلید» ناڤچەیێن مەتینا، زاپ و ئاڤاشین-باسیان یێن ل سینۆرێ ناڤچەیا ئامێدیێ ل خوە دگرە. [1]