ناو: ڕەحیم
نازناو: هاوڕێ ڕەحیم
ناوی باوک: عەزیز
ڕۆژی لەدایکبوون: #14-12-1961#
ڕۆژی کۆچی دوایی: #22-06-1999#
شوێنی لەدایکبوون: #قەڵادزێ#
$ژیاننامە$
ڕەحیم عەزیز قەساب لە ڕێکەوتی 14-12-1961 لە شاری قەڵادزێ لەدایک بووە، بە هاوڕێ ڕەحیم ناسراوە، خوێندنی سەرەتای و ئامادەیی لە شاری قەڵادزێ تەواوکردووە و لە خوێندکارە نموونەی و زیرەکەکان بووە. لە ساڵی 1979 ژیانی پێشمەرگایەتی دەگرێتەبەر، دەچیتە شاخ و تا ساڵی 1983 بەرداوام دەبێت. بەهۆی شەڕی نەگریسی براکوژیەوە، دوای چوار ساڵ دێتەوە شار و دەگەڕێتەوە بەرخوێندن، لە کۆلێژی ئەندازیاری بەشی تەلارسازی #زانکۆی موسڵ# وەردەگیرێت. لە ڕێکەوتی #06-03-1991# بەژداری لە ڕاپەڕینی ئۆردوگای بازیان دەکات. پاش چەندین شەڕی قارەمانانە دژی ڕژێمی بەعس تووشی نەخۆشی ئەعساب دەبێت و لە ڕێکەوتی 22-06-1999 ماڵاوایی لە ژیان دەکات. یەکەمین دەقی شعری لە ساڵی 1983 وەرگێڕداوەتە سەر زمانی عەرەبی، لە گۆڤاری ئەلبەدیل لەژێر ناوی جەریمە ئەخرا لە سووریا بڵاوکراوەتەوە، لە گۆڤارەکانی #بیری نوێ#، #ڕۆشنبیری نوێ# بە نازناوی (ڕ.ح) هۆنراوەی بڵاوکردووەتەوە. شارەزایی لە زمانەکانی (عەرەبی، ئینگلیزی، فارسی)دا هەبووە، هۆنراوەەکانی دەچنە چوارچێوەی هۆنراوەی بەرگری، چینایەتی، نیشتمانی، ئەوین و ئازادی. فەرمانبەری #وەزارەتی پەروەردە# بووە.
=KTML_Bold=بەرهەمی چاپکراوی:=KTML_End=
#مشتێ لم نیم کەنارەکان جێم بهێڵن#، شیعر، چاپی یەکەم، چاپخانەی کارزان، #سلێمانی#، 2008، لە بڵاوکراوەکەنی فەرهەنگخانەی قەڵادزێ. [1]