گرڎ کەس جوانخاسیش وەشمسیۊ
ئینە چن ڕوێن لافاو، شارەکاو ئێرانی شێلۆ و خەڵک جە نۆرۊزەنە هەراسان و دڵ جە دمان.ڕادیۆ و تەلەفزیۆن وتۊڕەکۊمەڵاتیەکا، پەڕێنێ جە هەواڵێ وەش و ناوەشێ.موبایلەکەم هەناسەبڕبېیەن و تاکو لاو ملیش پەڕبېیەن پەیامێ و ئادیچ هازیش سەرشیێنە.وەرزوو وەهاری پەڵەی گېرتەن و دار و درەخت وکووچە و کۊڵان، تەڕ و تڵیس و خیابانەکێ بېیېنۍ جلوو تووتەی!منیچ یانەنە، کتېبەکەو ئومبێرتۆ ئێکۆی- تاریخ زیبایی وەرەق مدەوە و لەززەتیوە بۍ کۆتایی بەرۆمەرە دلۍ فەلسەفەوجوانخاسی جە وەرئاوانە، کە بە زوانێوە شیرینئێکۆی باس کەردەن.گردکەسېوەزیبایی یاجوانخاسیش وەش مسیۆ، بەڵام هەرکەس پەی وېش جوانخاسی ڤینۆ و بەحتش مەنۆوە.سەرەم بەرزکەردۆ شەوە وېش کەرد یانەرە و بێجگەم تەلەفزیۆنەکەی، کە وڕڕاجی کەرۍ، سکووتێوە چەنی بێتاقەتی، پەنجەرەکەمانە وېش وستەنە یانە.لەب تابەکەم دمای چن ڕوێ کە سەفەروو قشمینە گېڵابێنێوە، بێجگەم چن یادەوەریێ قەدیمیێ کە سەرشاوە چن شێعرێ و یادەوەریێم نیەبێنېرە، هیچش شکە نەبەرد و منیچ سەرەم نیاوە و ئاستم جیا.هەڵای تەلەفزیۆنەکە ددانێ تەقنێ و چەمۍش جە لافاوەکەی ئاوسێ بیێبێنێ!دووبارە چەمۍم دلێشەنە چەقیێرە و قەڵەم و کتېبەکەم ئاست جیای و بێدەنگیم وڕارە دلێش.
بورهان ئەختەر.[1]
ئەڤ بابەت ب زمانا (هەورامی) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەڤ بابەتە 39 جار هاتیە دیتن
ڕایا خو دەربارەی ڤی بابەی بنڤێسە!