مەنجەڵ بوو بە مەنجەڵۆکە، ئاغاژن بوو بە جنۆکە.
مەنجەڵ؛ دەفرێکی قوڵی مسی لێودارە، چێشتی تێدا لێدەنرێت (فەرهەنگی خاڵ)، مەنجەڵۆکە: مەنجەڵی بچووک. ماڵێک لە مەنجەڵی گەورەوە چووبێتە سەر مەنجەڵۆکە واتە: پەیوەندییە کۆمەڵایەتییەکانی کەم بووەتەوە، بۆیە چێشت کەم لێدەنێت، ئاغاژن: مەبەست لە ژنی ئاغایە کە کەسایەتییەکی بەدەسەڵاتە، کاتێک دەسەڵاتەکەی لەدەست دەدات، ئاغاژنیش ترس و هەیبەتی لەناو خەڵکیدا نامێنێت، بە کەسێک دەوترێت کە بووە و دەوڵەمەند بووبێت و لێی قەومابێت، ڕێز و پێگەی لەدەستدابێت.[1]